Umongameli Emmerson Mnangagwa uthi uhulumende wakhe kangeneli emsebenzini wabomahluli njalo indlela abakhethwa ngayo iqondile ngoba bavivinywa emphakathini kuma public interviews.
Wethule amazwi la ngoLwesihlanu embuthanweni wabaholi babomahluli bamazwe akumhlubulo weZansi yeAfrica owe Southern African Chief Justices Forum lomunye owabomabhalane, obuqoqwe ngeleZambia leleZimbabwe edolobheni le Victoria Falls.
Umphathintambo obona ngezemithetho uMnu. Justice Ziyambi Ziyambi utshele lumbuthano ukuthi imthethwandaba yonke elizweni izasebenzisa imitshina yobulembu ukuthetha amacala ukwenzela ukwenqabela ukumemetheka kweCOVID 19.
Ekhuluma emhlanganweni ofanayo, umsekeli kamongameli uMnu. Constantino Chiwenga uthe eleZimbabwe selenelisile ukuthi imithetho elikhulu lamatshumi amahlanu; 350 ihambelane lesisekelo sombuso. Ukuhlaziya okukhulunywe kulumbuthano, obulendikimba ethi “Judiciary and the technology in Africa” sixoxa loMnu. Thandeko Zinti Mnkandla, ingcwethi ecubungula ezombusazwe.
