WASHINGTON DC —
UMongameli weMelika uJoe Biden wazise ngoLwesine ukuthi ibandla lakhe lamaDemocrats leliphikisayo elamaRepublicans asevumelene phezu kwesikhwama semali ezasetshenziswa ukuvuselela izakhiwo ezifana lemigwaqo kanye lamabholobho, esiphansi komthetho weInfrastructure Bill.
Lokhu kujabulise abanye ngoba amabandla womabili ehlala edonselana kuphela. Isikhwama lesi singena kumabhiliyoni lamabhiliyoni.
Kodwa uBiden uthe kasoze asayine lumthetho nxa iphalamende ingavumelananga phezu kwemali ayifunayo ezaphathisa uzulu weMelika ngenhlelo ezitshiyeneyo.
Ohlaziya ezombusazwe uMnu Tim Muringai utshele iStudio 7 ukuthi ukuvumelana lokhu kukhomba ukuthi amabandla womabili alakho ukuvumelana njalo kwezinye izinto kuyiwa phambili.