amalinks wokungena

Breaking News

Amagqwetha Ahlangana Phezu Kodaba Lokuphikisa Impumela Yokhetho


Umgcinisihlalo weZEC, uJustice Priscilla Chigumba

Amagqwetha labaphatheke kudaba lokuphikiswa kwempumela yokhetho, bayahlangana namhla edale le Constitutional Court belungiselele ukuthoniswa kwalelicala ngoLwesithathu.

Umkhokheli wabehluli, uChief Justice Luke Malaba utshele amagqwetha la ukuthi bahlangane laye ngehola lika 11 ekuseni lapho abazakhulumisana ngobufakazi obukhona njalo lokuthi kuzasetshenzwa njeni ngolwesithathu lapho lelicala elizathoniswa khona ngokusegcekeni ngoba umsakazo we ZBC uphiwe imvumo yokusakaza okuzakuba kusenzakala emthethwandaba.

UMnu. Nelson Chamisa ufake amaphepha okuqinisa ubufakazi ngomgqibelo kuthi uMnangagwa yena ukhangelelwe ukufaka amaphepha akhe namhla kungakatshayi ihola lika 10 lingakatshayi ekuseni namhla.

UMnangagwa uyaphikisa ubufakazi obuthiwa bukhona nguMnu. Chamisa athi inombolo azihambi kahle ezasetshenziswa yiZEC.

Sixoxe lengcwethi ecubungula ezombusazwe, umnu. Effie dlela ncube saqala ngokumbuza ukuthi bunga bukhona yini lobu bufakazi?

“Ngibona angani bujulile ubufakazi kulokho okumele bakuthole ngoba nje abantu kade bekhangelele isamu zakhona ukuthi zethulwe ngendlela ecacileyo,” kutsho uNcube.

Facebook Forum

XS
SM
MD
LG