amalinks wokungena

Breaking News

Amagqwetha Athi Kunzima Ukubopha Ababulala Isilwane seZimbabwe


Uzulu eMelika uzonde okwamagama ngokubulawa kwesilwane okuthiwa nguCecil.
Uzulu eMelika uzonde okwamagama ngokubulawa kwesilwane okuthiwa nguCecil.

Amagqwetha eZimbabwe athi kungathatha isikhathi esifishane kumbe eside ukuthi uMnu. Walter Palmer, owabulala isilwane esaziwa ngegama elithi Cecil, ahanjiswe yiMelika eZimbabwe ukuyathoniselwa icala lakhe.

UMnu. David Coltart, igqwetha elizimele lodwa njalo owayengumphathintambo wohlangothi lukahulumende olubona ngezikolo, loMnu. Sobusa Gula Ndebele, owayeligqwetha elikhulu lelilzwe uAttorney General, bathi kuzabanzima ukuthi uPalmer ayemele icala leli.

UColtart uthe kunengi okungenza ukuthi uPalmer acine engahanjiswa eZimbabwe okunjengokuphikisa okumangalisayo okungenziwa ngamagqwetha akhe.

UNdebele ugcizelele esithi kuzabalokuphikisana okumangalisayo kwamagqwetha emthethwandaba ngesikhathi eleZimbabwe lizama ukuthi uPalmer athoniswe icala leli.

USenetha weleMelika, uMnu. Bob Memndez, owebandla lama Democrats uthi uzakwethula umthetho othiwa CECIL ojonge ukuvikela ukubulawa mahlayana kwenyamazana zendle lokuthengiswa kwenhloko lezinye izitho zalezinyamazana kulandela ukubulawa kwesilwane uCecil eHwange National Park ngenyanga edluleyo.

Kunjalo nje ugatsha lwe Zimbabwe National Parks and Wildlife Management Authority luthi seluding esinye njalo isizalwane sakweleMelika esetheswa icala lokubulala okungekho emthethweni esinye njalo isilwane eHwange ekuqaleni komnyaka.

Lolugatsha luthi uMnu. Jan Casimir Seski, udokotela owelapha abesifazane, ngomunye osedingwa yilolugatsha kulandela ukudingwa kukaMnu. Walter Palmer udokotela wedolobho le Minnesota othiwa wagwaza uCecil ngomtshoko waselandelela lelibhubesi okwamalanga phose amabili walidubula.

Ngalokho uhulumende uthi usemise ukuzingelwa kwenyamazana zendle kukhangelisiswa ukuthi imithetho iyalandelwa yini ngamabazingeli laba.

Umtshutshisi kahulumende omkhulu utshele iStudio Seven ukuthi usamelele amaphepha avela kumphathintambo wezelizweni, uMnu. Ignatius Chombo ungatholakalanga ecingweni.

Umphathintambo wezokwethekelelwa uMnu. Walter Mzembi utshele intathelizindaba ukuthi inani lezethekeleli selehlile kulandela ukubulawa kwesilwane uCecil.

Loku kugcizelelwe ngunobhala obona ngezemvelo kubandla leMDC-T, uMnu. Joel Gabhuza kungxoxo ayenze loChris Gande weStudio Seven.

please wait

No media source currently available

0:00 0:02:15 0:00
Lapho esitholakala khona

XS
SM
MD
LG