amalinks wokungena

Breaking News

Amakhansila akoBulawayo Ehluleka Ukukhetha uMayor


Bazonde okumangalisayo abantu bako Bulawayo ...

Amakhansila akoBulawayo asanda kukhethwa ehlulekile ngoLwesibili ukukhetha abazakhokhela idolobho leli kulandela ukuxokozela okwenziwa ngamalunga ebandla leMthwakazi Republic Party abetshaya phansi ngenduku esithi kabafuni ukugilelwa imikhuba ngabantu bokuza.

Nampa abanye abantu abatshengisele phandle kwe Large City Hall koBulawayo ...
Nampa abanye abantu abatshengisele phandle kwe Large City Hall koBulawayo ...

Amakhansila la avotelwa ngoNtulikazi kukhetho lwamakhansili olwalusenziwa lolwamalunga edale lephalamende kanye lolukamongameli.

UMabhalane omkhulu wekhansili yakoBulawayo, uTown Clerk Christopher Dube, utshele izakhamizi ukuba umhlangano usudluliselwe phambili ngoba kulomthetho ikhansili engawulandelanga okubalisa ukwenzela lumhlangano eLarge City Hall.

Ukhansila kaWard 17 uNkosikazi Sikhululekile Moyo, “Umhlangano walamuhla umisiwe ngoba kulombiko olokungavikeleki engozini njalo bazasazisa ngokuhamba kwesekhathi.”

Unobhala jikelele wenhlanganiso yamalungelo oluntu weIbhetshu Likazulu, uMnu. Mbuso Fuzwayo, uthi akulankinga amakhansila awahloniphe izimiso zebandla ledolobho.

Abanye abantu abakade bese Large City Hall koBulawayo bemelele ukuzwa ukuthi kuzakhethwa bani ukuba nguMayor.
Abanye abantu abakade bese Large City Hall koBulawayo bemelele ukuzwa ukuthi kuzakhethwa bani ukuba nguMayor.

“Ukungagcotshwa kwamakhansila akusihluphi amakhansila kumele alandele izimiso zebandla kunye lokufunwa lidolobho lokhu abakwenzayo asivumelani lakho.”

Isakhamuzi sakoBulawayo, uMnu. Alick Gumede, ukhala ngokuthi kakwenziwe into yakibo.

“Thina sifuna ukukhokhelwa ngumuntu wakithi hatshi umuntu wokuza njalo abanye bethu asibazondi kodwa bengezi ukuzosikhokhela.”

UMnu. Ambrose Sibindi, umabhalane wenhlanangiso yezakhamizi eyeBulawayo Progressive Residents Association, usole isenzo salamhlanje.

“Siyadana ukuthi lamhlanje idolobho lehlulekile ukukhetha uMayor lomsekeli wakhe, uma besehluleka asivoteni kutsha.”

UMsekeli kaMongameli weMRP, uNkosazana Presia Ngulube, laye usole okwenzakale lamhlanje.

“Siyadana ngokwenzakala lapha njalo lokhu kutshengisa ukwehluleka ukukhokhela kuhle ukuthi uBulawayo akuqondise lokhu.”

UBulawayo usola ukuziphatha kwamakhansila aoqela uMnu. Arnold Batirai abathi wabathuka ngoLwesihlanu wacina esithi ufisa ukufungiswa ngeSiLungu.

Abantu kabafuni ukuthi idolobho leli likhethe uMayor ongadabuki endaweni yeMatabeleland.

please wait

No media source currently available

0:00 0:04:26 0:00

Facebook Forum

XS
SM
MD
LG