amalinks wokungena

Breaking News

Abatsha Abakubandla leMDC Alliance Batshengisela Phandle Kwedale leHigh Court


Abatsha bebandla leMDC Alliance namhlanje batshengisele phambi komthethwandaba waphezulu oweHigh Court eHarare befuna kukhululwe omunye wabo uMakomborero Haruzivishe, oncitshwe imvumo yokuhlawula isibambiso sebail.

Abatsha laba akade behlabela begiya phambi kweHigh Court, bebethwele amabhakani alotshwe #FreeMako #Respecttheconstitution #Zanu PFmustgo.

UHaruzivishe ubotshwe ngeviki ephelileyo esetheswa icala lokuhlukumeza izisebenzi zenkampani yeImpala Car Rentals eHarare lapho azivalela phakathi ngokufaka amakhethani lekhiye emnyango wewofisi yabo.

Igqwetha lika Haruzivishe, uMnu Obey Shava, utshele intathelizindaba ukuba uHaruzivishe walelwe ukuhlawula isibambiso sebail ngoba evele elamanye amacala.

“Simele uMakomborero Haruzivishe edale lemthethwandaba namhlanje, ulencwadi zokubotshwa ezintathu. Namhlanje sikhulume ngenye yalez’incwadi.”

Uqhubeke ethi umantshi uthe uzakuzwa ngoLwesihlanu izizatho ezenza ukuthi uHaruzivishe engabuyi edale edale.

“Wehluleka ukuya edale ngenxa yelockdown. Abantu ababebotshiwe babesehluleka ukungena bemiswa egedini ledale ngenxa yeziqondiso lezi. Sizaphenduka edale kusasa.”

Kulonye udaba, owayengumphathintambo wentuthuko yamadolobho lezabelo, uMnu. Ignatius Chombo, umiswe phambi komthethwanda weHigh Court, ethonisiswa amacala okusebenzisa amandla ewofisi yakhe okungekho emthethweni ngemva kokunikeza abantu abanengi izitanda zokwakha.

Igqwetha lika Chombo, uSikhwicamfundo Lovemore Madhuku, uthe idale lizakupha isinqumo salo sokuba aphiwe imvumo yokuhlawulela isibambiso sebail loba hatshi ngoLwesihlanu.

Umtshutshisi, uMnu. Charles Muchemwa, uthi uChombo akumelanga aphiwe imvumo yokuhlawula ibambiso sebail esithi ulakho ukubaleka kodwa uMadhuku uyakulandula lokhu esithi uChombo ungumlimi olamasimu awalime kakhulu lonyaka njengoba izulu lisina kahle kangaka ngakho-ke kasoze abe lesizatho sokubaleka.

Facebook Forum

XS
SM
MD
LG