amalinks wokungena

Breaking News

Idale leZanu PF Politburo Lenza Umhlangawo Wakuqala weAnnual National People's Conference


Idale lebandla leZanu PF elePolitburo ngoLwesibili lenze umhlangano wakuqala wokuphendla indlela yomhlangano omkhulu ozakwenzelwa eMzingwane High School esabelweni seMatabeleland South okuzaxoxwa ngokuvuselela umnotho welizwe lokunye okutshiyeneyo.

Idale leli kukhanya engani lifuna ukuthi kukhulunywe ngokuvuselela umnotho welizwe, ukukhuphula iminyaka yomuntu ofisa ukuncintisa kukhetho lukamongameli, ukunika ibandla leli amandla okukhokhela inhlelo zikahulumende lokunye okutshiyeneyo.

Kusenzakala konke lokhu, kulezinye izigaba esezivele zakubeka sobala ukuba zifuna uMongameli Emmerson Mnangagwa ukuthi ancintise ukhetho lukamongameli ngomnyaka ka2023.

Abalandeli bebandla leli bakhangelele ukuthi umhlangano lo uzaphuma lezinqumo ezizathuthukisa ilizwe.

Omunye wabo nguMnu. Jairos Maropa, obona ngezempilakahle lokondliwa kwabantwana kubandla leZANU-PF koBulawayo, othi ukhangelele ukuba kuzathathwa isinqumo sokuthi kumiswe ukusetshenziswa kwemali yeMelika ezibhedlela.

“Thina njengoBulawayo simi ngezwi linye sisithi uMongameli Emmerson Mnangawa asimele kukhetho luka2023 njalo lumhlangano sikhangelele ukuba ibandla lenze isinqumo sokumisa ukusebenza kwemali yeMelika ekutholiseni impilo kuzulu noba limali ayidindwa kuleli”

UNkosikazi Rejoice Sibanda, umsekeli womgcinisihlalo wohlangothi lwabesifazana koBulawayo, uthi bakhangelele ukuthi kuzakwenziwa isinqumo sokuthi kumele kulinganiswe amathuba abomama labesilisa kubandla leli, ephalamende lakuhulumende.

“Sahlala umhlangano njengabomama bebandla elibusayo savumelana izinto ezithile okumele umhlangano uzibambe okubalisa amathuba alinganayo edale, kuhulumende lakubandla. Sikhangelele ukuba uhulumende angezelele isikhathi seProportional Representation edale kubomama kanye lokuthi ngesikhathi sokhetho omama bangancintisani labobaba kukhetho kodwa bancintisane bodwa ukuze labo bangene edale yikho esikhangelele ukuba umhlangano ukuvumelane”

Obona ngezokuthwalwa kwabantu kubandla leZANU-PF koBulawayo, uMnu. Victor Mpofu, uthi ukhangelele ukuba umhlangano uvumelane ngokuqotho ngombuso wezabelo njalo kungabi lenkulumo lomanyano weMDC Alliance.

“Esikukhangeleleyo yikuba idevolution of power ayibuye masinyane isebenze njengokuba, singakhulumi ngayo kuphela njalo lokhetho selwedlula sekumelesiyeke ukuxhophana lebandla leMDC Alliance. Kunjalo nje akula mhlangano esingawuhlala labo okwamanje sesikhangelele ukudibana labo kukhetho oluzayo luka2023.

Kusenjalo, abanye abalandeli bebandla leli lezinye izakhamizi zakoBulawayo bathi umhlangano lo kawusoze ulungise konke okuhluphayo eZimbabwe.

Omunye wabalombono lo nguMnu. Nkululeko Nyathi osakhulayo olilunga lebandla elibusayo.

“Umhlangano lo ujonge ukudlalisa imali ilizwe libhekane lobunzima, amafutha ezimota awakho, ezibhedlela akulamithi abantu bahlawuliswa ngemali yeMelika bathi siyithathephi thina. Ngabe imali abaqoqe ngayo umhlangano bayithethe balungisa ilizwe.’’

Isakhamuzi sakoBulawayo, uMnu. Themba Mlala, uvumelane loMnu. Nyathi.

“Umhlangno lo webandla elibusayo siyawuzwa impela kodwa into ekhona yikuba bona bathi ngeyokuhlangana babumbe kodwa thina siyithatha njengokuthi bahlangane badlalise imali benze konke abakufunayo ngoba ayisizi lutho akubisi lutho ngayo.”

Kulabantu abedlula inkulungwane ezinhlanu – 5,000 - abazabe besemhlanganweni lo Esigodini olwesihloko esithi ‘Zimbabwe Is Open for Business: Peace, Unity Towards an Upper Middle-Income Economy by 2030’.

Udaba Esilethulelwe NguGibbs Dube
please wait

No media source currently available

0:00 0:02:29 0:00

Facebook Forum

XS
SM
MD
LG