amalinks wokungena

Breaking News

Amalunga eNPF Adonselwa Emthethwandaba Ngecala Lokutshaya Umuyi uMagura Charumbira


Amalunga ebandla le National Patriotic Front - NPF ayisithupha asebizwe emthethwandaba koBulawayo lapho etheswa icala lobudlwangudlwangu ngemva kokutshaya umuyi uMnumzana Magura Charumbira emahofisini eZANU PF eDavis Hall.

Amalunga ebandla le National Patriotic Front - NPF ayisithupha asebizwe emthethwandaba koBulawayo lapho etheswa icala lobudlwangudlwangu. Amalunga lawa abikwa atshaya umuyi uMnumzana Magura Charumbira emahofisini eZANU PF eDavis Hall.

Icala abaletheswayo libikwa balidala ngomnyaka ka2016 umuyi uCharumbira esaphila kodwa alingenanga emthethwandaba ngenxa yokuthi ugwalo lwecala leli, i-docket kwathiwa lusiwe eHarare.

Abetheswa icala leli bathi ngesikhathi betshitsha emthethwandaba babesetheswa icala lokutshaya uCharumbira kodwa khathesi sebebhalelwe ukuthi icala labo ngelo budlwangudlwangu (Public Violence). UCharumbira uze wabhubha icala leli lingathonisiswanga. Ibandla le-NPP lithi isimanga yikuthi ugwalo lwedocket soluvelile ngesikhathi abetheswa lelicala sebebhalisele ukuncintisa kukhetho lwalonyaka njalo basola ukuvela kwedocket leyi ngesikhathi somkhankaso.

Omunye wababizwe emthethwandaba uMnumzana Cosmas Ncube uthi umuyi uMnu. Charumbira wabamangalela, batshitsha emthethwandaba baze badela.

“Watshaywa ngabantu then wasebophisa thina, satshitsha eCourt iState yasitshela ukuthi idocket iseHarare. Into esimangalisayo yikuthi idocket lihamba njani eHarare thina silapha. Khathesi selibuyile njalo sesisamoniwe. Khathesi balinde ukuthi size sihambe eNomination court ukuthi balethe idocket ngako asisakwazi ukuthi ukhetho lolu luzaba free and fair yini.”

Omunye wabetheswa cala linye nguMnumzana Butholezwe Ngwenya. UNgwenya ukhala ngokuthi icala elibhaliweyo seliguqulwe, njalo uthi kukhanya icala labo elikhulu ngelokusuka kuZANU besiya ku NPF.

“Thina our issue yikuthi why idocket lasiwa eHarare njalo sekubuya kutshitshiwe icala. Asisakwazi ukuthi ukusuka kuZANUPF sisiyaku NPF licala yini. Khathesi sekulethwa ngemva kwenomination court kusenzelwa ukuthi singenelisi ukukhankasa sitshitshe eCourt.”

UNkosikazi Hilda Ncube uthi ngelanga leNomination Court amalunga eZANU PF abebatshela ukuthi bengabhalisela ukuncintisa abanye bazakuya ejele.

“Singu six esetheswa icala leli akukatshintshi kodwa icala litshitshiwe, amalunga eZanu ayesitshela ngelanga lenomination court ukuthi abanye bethu bazahamba ejele.”

Abathathu laba balile ukuveza amalunga eZANU-PF abethuseleyo ngelanga leNomination Court besithi besaba ukuhlukunyezwa kodwa bathembise ukubaveza emthethwandaba ngoLwesithathu. Imizamo yokukhuluma le gqwetha elibamelayo yehlule.

please wait

No media source currently available

0:00 0:03:01 0:00

XS
SM
MD
LG