Amabandla ezombusazwe abalisa eleCCC leleZanu- PF abekhankasa koBulawayo edinga ukuvotelwa kuviki ezayo NgoMgqibelo kukhetho lwama by election olwenziwa kulandela ukuxotshwa kwamakhansila lamalunga edale lephalamende le senate nguMnu Sengezo Tshabangu, ozithi ngunobhala jikelele webandla leli.
Ngesikhathi esethula umbiko womkhankaso enkundleni yomdlalo wenguqu eNketa 9 isikhulumi sebandla le CCC uMnu Gift Ostallos Siziva uthi sebelungele ukhetho.
llunga leCCC elingene umnkankaso walamuhla uNkosikazi Sibongile Nkomo uthi bazabuyisela esihlalweni amalunga abo ayexotshiwe
Isiphathamandla sebandla le CCC, uMnu Matson Hlalo uthi sebelungele ukungena kukhetho njalo ulethemba lokuthi bazanqoba.
Osaphethe isikhundla sika mongameli welizwe, uMnu Constantino Chiwenga ekhankasela ibandla le Zanu- PF elokitshini leCowdray Park, ukhuthaze abantu ukuba bayevotela ibandla lakhe ngokuthula.
Ukhansila phansi kohlelo lwe proportional representation engowebandla leZanu- PF uNkosokazi Nokuthula Sibanda uthi umkhankaso uqhubeka ngokuthula njalo bakhangelele ukunqoba.
Okhankasela ukuba lilunga ledale lephalamende eCowdray Park uMnu. Authur Mujeyi uthi ukhangelele ukunqoba.
Kulandela ukususwa edale lephalamende, ele senate lamakhansila elizweni jikelele iZEC izaqhuba njalo ukhetho lokugcwalisa izikhala ezikhona njalo likhomisheni ithi isilungele ukuqhuba ukhetho lamalungiselelo asefike esibangeni esiphezulu.
Forum