amalinks wokungena

Breaking News

Amantombazana Asakhulayo Amanengi Azithwale Ngesikhathi seCovid-19 Lockdown Abazukubuyela Esikolo


Pregnant teenager

Abazali abanengi baseZimbabwe bakhala ezimathonsi ngodubo lwabantwana abangamantombazana asezithwala kanye lokwenda besesebancane okulakho ukuphazamisa impilo zabo.

Lokhu kuvele ngesikhathi sokuyekethiswa kweziqondiso zeCovid 19 Lockdown, inengi lalawa mantombazana selisehluleka ukubuyela esikolo lapho zivulwa ngoba esezithwele.

Inkokheli zezigaba kanye labazali baveza ukukhathazeka okukhulu ngokuqansa kwenani lamantombazana endiswa lokuzithwala ngesikhathi ilizwe liphakathi kokumelana leCovid-19.

Lolubhubhane lubikwa luze lemigoqo yeziqondiso zokuzivikela kulo, eyamaLockdowns, abasakhulayo abakhala ngokuthi ibelukhuni kibo.

UKhansila ka Ward 21 eNdiweni eBulilima uNkosikazi Nani Ndlovu uthi ukhathazekile ngenani lamantombazana abasakhulayo abazithweleyo esigabeni sakhe.

“Angikezwa osakhulayo oyendisiweyo esigabeni sami mhlawumbe bakhona kodwa ngikhathazeke kakhulu ngabasakhulayo abazithweleyo abanye sebelabantwana ngesikhathi lesi siphakathi kobhubhane lweCovid-19 kuqakathekile ukuba siqhubeke sifundiswa ngokuzivikela kukho konke ukuze siphephe.”

Isakhamuzi sikaWard 21 eBhagani eBulilima, uNkosikazi Samaria Nkomo uvumelane loKhansila Ndlovu ethi iCovid ibahlukuluzile kakhulu abantwana besikolo bazithwele abayikubuyela ezikolo.

“Inhlupho esihlangana lazo kakhulu ngeCovid yikuba asisenelisi ukuhlangana labomama kumaclub ethu eWestern Region njalo Labantwana loba besizama ukubafundisa kodwa sekusehlula inengi labo selisithwele abayikwenelisa ukuba babuyele esikolo ngoba umntwana ongafundanga kabi lempilo ecacayo kubuhlungu kithi lokho.” kwabanInengi labantu liyavukela emtholwampilo lisiyadinga ukuhlaba ijekiseni elivikela ukubamba igcikwane leCovid-19 emizameni yokumelana leCovid-19 kodwa inengi lisaselemibuzo ngaloluhlelo lokuhlaba.

UNkosikazi Anna Ncube kuWArd 21 eSibomvu Village uthi amankazana amanengi awasabuyeli esikolo njalo izidakamizwa sezibulele ubuntu babo.

“Uhlupho esihlangane lalo ngesikhathe lesi seCovid yikuba abantwana abancane abangamankazama abaseyi kwenelisa ukubuyela esikolo ngoba sebezithwelwe, amashop lawo ayasikhathaza athengisela abantwana abancane izidakamizwa sekusibulalalele ubuntu bethu sesibonga inhlanganiso yeWestern Region ngokusifundisa ngempilo langokuzivikela kuhlelo lweCovid-19.

Uhulumende weZimbabwe wakhupha imibiko ethi ngenyanga kaZibandlela lelandelayo kwaba labantwana abangamankazana abangaba zinkulungwane ezinhlanu abazithwalayo ezweni kuthi abaphose bafike inkulungwane ezimbili-1,800 bayendiswa besasebancane.

Uhulumende uthi ufisa ukuba abesehlabe abantu abangaba yizigidi ezilithumi 10million kumbe abayisilinganiso sokungamatshumi ayisithupha ekhulwini(60%) ukuze ilizwe lithi selenisile ukumelana lalolu bhubhane iherd immunity.

Facebook Forum

XS
SM
MD
LG