amalinks wokungena

Breaking News

Amantombazana Azithwalayo Esesemancane Athola Usizo


Uphawo lwenhlanganiso eyeThula Trust, yakoBulawayo enceda amantombazana azithwala besesebancane

Inhlanganiso ezimeleyo ezebenza labatsha eyeThula Trust iphakathi komsebenzi wokusiza amantombazana azithwalayo besesebancane kumbe besesikolo ukuze bengaqhubekeli phambili behlukuluzwa, ngokubaphathisa ngokudla, impahla, ukuyabhalisa esibhedlela kanye lokuhamba befundisa abantwana ezikolo ngezempilakahle.

E-Zimbabwe, lukhulu okwethusayo udubo lwamantombazana azithwalayo besasebancane bacine sebengomama kodwa bengela ndlela zokuzinakekela labantwababo okucina kudala njalo ezinye inhlupho.

Umqondisi weThula Trust koBulawayo, uNkosazana Nobuhle Siziba uthi lasemandulo babekhona abantwana abazithwala kumbe abendiswa besasebancane ngakho okwamanje isimo esikhona ezweni senza kubenzima ukuba baye ezibhedlela.

“Sincedisana lamantombazana amancane abakhulelwayo bekuyindaba engakhulunywayo ngoba amasiko kudala ayekwenza kungakhulunywa kodwa ngensuku zalamuhla ukuyabhalisa lokugcina abantwana akulula.”

UNkosazana Siziba uchaze ukuba bayanceda abantwana abazithweleyo ukuze bakhulumisane kuhle labazali lapho sekulenxabano ngenxa yokuzithwala.

Abenhlanganiso eyeThula Trust bancceda amantombazana azithwala besesebancane
Abenhlanganiso eyeThula Trust bancceda amantombazana azithwala besesebancane

“Sisebenza labezempilakahle, abezikolo labomama ezigabeni zonke zeMaNdebeleni ngokugcina abantwana abazithweleyo njalo siyabapha usizo abaludingayo lonke baze bayobeletha sibakhuthaza njalo ukuba baqakathekise imisebenzi yezandla Kanye lokuthi babuyele esikolo.”

UNompilo Mpofu uchaza ubunzima abhekana labo ngemva kokuzithwala esasemncane.

“Ngihlala eNketa 6 ngazithwala ngileminyaka eyi17 ngemva kokuba umama esethole ukuba ngizithwele wangixotsha endlini ngasengikhulumisana lomngane wami wangitshela ngeThula Trust yona eyenelisa ukukhulumisana loMama bangithatha, khathesi sengisiya esikolo uMama usengincedisa ngokukhangela umntwana.”

OMunye njalo osakhulayo wakoBulawayo, uThandiwe Ngwenya uchaza ngosizo aluthola eThula Trust ngemva kokuzithwala.

“Ngathola usizo olukhulu eThula Trust ngesikhathi ngizithwele ngaze ngayabeletha. Senelisa ukuthola ukudla lempahla ngoba mina ngazithwala ngileminyaka elitshumi lantathu njalo umuntu owangimithisayo wathi kenelisi ukungigcina ngoba yena ulemuli yakhe kodwa ngemva kokutshelwa ngumngane wami ngeThula Trust ababeyifunde esikolo ngathola ukusizakala.”

Ucwaningo olwenziwa ngabe nhlanganiso eyeGender Links olwe The Multiple Indicator Cluster Survey 2014, luchaza ukuba eZimbabwe abasakhulayo abangaba yisilinganiso sokungamatshumi amabili lane ekhulwini abaleminyaka elitshumi lanhlanu kusiya kutshumi lasitshiyangalonye ezweni sebaqala ukuya emancansini bacine bezithwala bengakuhlelanga lokho.

Abenhlanganiso ebona ngokucebisa abesifazana ngokuhlela kuhle imuli, eyeZimbabwe National Family Planning Council labo bathi kulenani eliphezulu ezweni lamantombazana aleminyaka elitshumi lanhlanu kusiya kutshumi lasifica munwe munye abazithwalalyo njalo abalitshumi lasikhombisa ekhulwini bavele sebengomama.

Udaba lwabe Thula Trust abasiza amantombazana azithweleyo siluphiwa nguAnnahstacia Ndlovu
please wait

No media source currently available

0:00 0:05:06 0:00

Facebook Forum

XS
SM
MD
LG