WASHINGTON DC —
Amanye amalokitshi akoBulawayo esezaqeda iviki engelamanzi. Loludubo lubikwa lubhahe kakhulu eMahatshula lakwezinye indawo zePumula.
Umanisipala wazise ngeviki edluleyo ukuthi ezinye indawo zalelidolobho zizaswela amanzi okwamalanga amathathu kusukela ngolwesithathu ngoba kulungiswa impompi zamanzi.
Kodwa indawo ezinengi ziqale ukuswela amanzi ngempelasonto.
Isiphathamandla senhlanganiso yezakhamizi eyeBulawayo Progressive Residents' Association, uMnu Ambrose Sibindi utshele iStudio 7 ukuthi udubo lolu lulakho ukudala imikhuhlane efana le-cholera.
Ikhansili yakoBulawayo yona ithi iphakathi kokululungisisa loludaba.