amalinks wokungena

Breaking News

Amapholisa Abopha Amalunga Ebandla leMDC Endlini kaJob Sikhala


UMnu.Job Sikhala

Amapholisa athele intuthu ehitshiyo eye tears gas ukuxotsha abatsha abakade belele endlini kaMnu. Job Sikhala e St. Mary’s e Chutungwiza.

Amapholisa ngoMgqibelo agombozele indlu ka Mnu. Job Sikhala ongumsekeli ka mngcinisihlalo webandla le MDC, abopha amalunga alelibandla alitshumi lanye, njalo atshaya abanengi.

Lokhu kuza ngemva kokuzama kwabatsha bebandla leMDC ukuzivikela kwabanye babo ababikwa bengabebandla leZANU PF abakade befuna ukuhlasela umuzi kaMnu. Sikhala bemethesa icala lokubangela ukuthi eleZimbabwe letheswe izijeziso zenotho.

Amapholisa athele intuthu ehitshiyo eye tears gas ukuxotsha abatsha abakade belele endlini kaMnu. Job Sikhala e St. Mary’s e Chutungwiza.

Abatsha beMDC bathi bebesekela uMnu. Sikhala obesethuselwa yintsha yebandla le ZANU PF ebikwa ingaphansi kwenhlanganiso yeConcerned Citizens Forum ngemva kokuveza ukuthi izakuya emzini kaSikhala iyetshengisela.

Abanengi, abagoqela isikhulumeli sabatsha kuMDC uMnu Steven Chuma babotshiwe njalo base ST Marys police station.

Ibhasi ye ZUPCO ebisiya edolobheni le Harare isika e Chtungwiza itshaywe ngamatshe njalo abakade beyigadile babanjwa ngamandla ukuthi behle.

Indlu ka Mnu.Sikhala ibe igonjolozelwe ngamapholisa okwelanga lonke namhlanje.

Lokhu kuvezwe ngu Mgcinisihlalo wabatsha kubandla le MDC uMnu Obey Sithole.

Unobhala we zomvikela ku MDC uMnu Emmanuel Chimwanda uthi kulabanengi abalimeleyo. Uthi kabacelanga ukuthi amazwe aphetsheya ethese eleZimbabwe izijeziso zomnotho.

Isikhulumeli samapholisa u Assistant Commissioner Paul Nyathi uthe ngempela kulabatsha abatshengiseleyo, bebangela udlakela,njalo babotshwa. Ugcizelele ukuthi babulele iwindi lebhasi yeZUPCO, wakhuthaza ukuthi abezombusazwe kufanele belondoloze ukuthula.

Iqula le Concerned Citizens Forum, lalithe lizakuya endlini yomkhokheli we MDC uMnu Nelson Chamisa ko Gutu e Masvingo, kanye lezindlini zeziphathamandla zalelibandla ezibalisa uMnu.Tendai Biti eHarare loMnu. Sikhala, bebethesa icala elifanayo.

Kodwa isiphathamandla salinhlanganiso uMnu.Taurai Kandishaya utshele umsakazo weStudio 7 ukuthi abaseyikuqhubeka ngohlelo lwabo ngoba ibandla leMDC selingenela kulo. Ugcizelele ukuthi ibandla leMDC lilomlandu kudaba lezijeziso zenotho ezetheswa eleZimbabwe.

UMnu.Chimwanda uthe uMnu. Sikhala kakabotshwa kodwa bakhathazekile ngokwenziwe ngabatsha bebandla le ZANU PF.

please wait

No media source currently available

0:00 0:03:02 0:00


Facebook Forum

XS
SM
MD
LG