amalinks wokungena

Breaking News

Amapholisa Acela Ukuthi Asuswe Emthethwandaba Okulomantshi Obathwalele Ubhulo


Umthethwandaba kamantshi koBulawayo ngoLwesine uphe amapholisa amabili ilungelo lokuba udaba lwabo luyekwahlulelwa ngomunye umantshi bethi uNkosikazi Sithembiso Ncube abamthembi ukuba uzaphatha kahle icala labo.

Batsho lokhu ngoba ngeviki edluleyo uNkosikazi Ncube walile ukuthi bakuhlawula imali yesibambiso sebail njalo lezinye inkulumo zakhe azibaphathanga kahle.

Icala lamapholisa leli elokuthi batshontsha impahla ezazebiwe ngabanye abantu ezitolo lidluliselwe phambili.

UThulani Nyathi loVictor Peter Munondo, abasebenzela enkambeni yamapholisa emzini weNtumbane bebemelwe liggqwetha uNkosazana Sisasenkosi Sihwa oweDube-Banda Nzirayapenga and Partners, batshele idale ukuba icala labo lizathoniswa ngemfanelo ngumantshi lo osesaziwa ngokugweba ngesiphangiphangi abantu ababetshengisela emigwaqweni ngoZibandlela.

UMtshutshisi, uMnu. Alfonse Makonese yena utshele idale ukuba inkamba yamapholisa eNtumbane yathola umbiko othi kulempahla ezazithunjiwe zafihlwa emoteni efileyo esilindweni samabhasi eseNtumbane Bus Terminus lapho izibotshwa ezathunywa yiziphathamandla zazo ukuba ziyecwayisisa ngalezompahla kodwa baphenduka enkambeni belengise izandla.

UNyathi lo Munondo bethweswa icala lokuthi bathi befika lapho okulempahla khona batshela ababezilindile ukuba babatshengise impahla ezithunjiweyo bathunyiwe.

Ababili laba, ababezibiza ngamagama athi nguMaveya loMoyo, bathatha impahla le bazisebenzisela.

Facebook Forum

XS
SM
MD
LG