WASHINGTON DC —
Amapholisa athi adubule abulala isigebengu esisodwa ebesiyingxenye yeqembu lezigebengu eziyisithupha ebezizama ukuntshontsha kwenye indlu eFourwinds koBulawayo ekuseni ngoMgqibelo.
Isikhulumeli samapholisa uMnu Paul Nyathi uthi balimaze njalo izigebengu ezimbili.
Wengeze wathi amasela lawa ebehlome ngemibhobho emine njalo uthi avele kweleSouth Africa. Ezinye zezigebengu lezi zibotshiwe.
Umsekeli kaMeya wakoBulawayo uMnu Mlandu Ncube utshele iStudio 7 ukuthi bakhathazekile ngobugebengu obunje, bona athi sobubhahile kulelidolobho.
