amalinks wokungena

Breaking News

Amapholisa Akasabonwa Kuma Roadblocks


Amasotsha asegcwele emigwaqweni.

Besekuvame ukubona amapholisa emisa izimota emadolobheni, emaphandleni lasemigwaqweni emikhulu yelizwe phakathi kwamakhilomitha angedluli amahlanu bethi konke lokhu kumile kusukela ngoLwesine.

Lokhe abebutho leZimbabwe bethethe intambo zokuqondisa okwenzakala elizeni ngoLwesithathu emadabukakusa amapholisa ahle ahlubulwa ngakho konke abazihlomisa ngakho okugoqela labacuphi lasebenza nsitha.

Abatshayeli bezimota kunye loZulu bathe bajabule okwamagama bethi sekubetha umoya uma utshayela emigwaqweni yelizwe kulandela ukumiswa kwamapholisa ngokubona ngokutshayelwa kwezimota emigwaqweni.

UMnu. John Dube osuka eGwanda uthe iroadblock yinye kuphela uma usiya eGwanda ku12th Avenue babuza isithupha kuphela kuye wonke umuntu ohambayo.

Umtshayeli uBekithemba Ncube uthe akusela mapholisa bazisebenzela kuhle kodwa uma uphuma koBulawayo yikho lapho okulamasotsha ahlomileyo babuza izithupha kuphela akulamali abayithatha kubatshayeli.

Uthe uphumule ukuthathelwa imali ngamapholisa ngoba ngoLwesithathu kuviki edlule bamthathele isithupha sokutshayela lemali engaba ngamadola angamatshumi amabili - $20 kodwa uyawazi lawo mapholisa ebevele esehluphile koBulawayo.

Omunye umtshayeli uGeorge Nyathi uthe amapholisa ebehlupha befuna imali njalo nje ethi uma bengekho balenjabulo ngokungabi lamapholisa bafuna inkululeko yabo abangalayo.

Owalwa impi yenkululeko olilunga leZIPRA Veterans, uMnu. Cetshwayo Sithole uthe amapholisa ebeselobugwelegwele obuphambili ngokufuna ukuhlala behlawulisa ngazozonke izikhathi ethi ngemva kokusebenza kwamasotsha kungaqhubeka kungendlela amasotsha ami ngakhona emigwaqweni ubugwelegwele obesebukhona bungaphela.

Inengi labantu lithi amapholisa akhona edolobheni kodwa awahlukumezi bantu njengakuqala ikakhulu kubatshayeli bezimota, ngoba bebesebelomkhuba wokumisa izimota ingqe ngaphi ngitsho lakuzibane eziqondisa ukuhamba kwezimota (Robots) ukutshayela phakathi kuka Five Street lo Leopold Takawira besekunzima kubatshayeli ngoba besekumele kuphele ukhuphe imali.

Facebook Forum

XS
SM
MD
LG