amalinks wokungena

Breaking News

Amapholisa Amisa Umhlangano weMDC-T Ngokufutha Abantu Ngentuthu Ehitshayo


Phakathi kwethuthu ehitshayo emasimini omnikazi ...
Phakathi kwethuthu ehitshayo emasimini omnikazi ...

Amapholisa asebenzisa intuthu ehitshayo eLupane ukumisa umhlangano webandla leMovement for Democratic Change elikhokhelwa nguMnu. Morgan Tsvangirai.

Abahitshwe yintuthu le lamuhla begoqela uNkosazana Thokozani Khupe, umsekeli kaTsvangirai.

"Siyenze umhlangano emuzini welinye ilunga leMDC. Bekulabantu abanengi kakhulu lapho esibatshele khona ngelungelo labo lokuvota lokuthi babhalise ukuvota isikhathi singafika.

"Sithe sesiqedile umhlangano wethu sesisidla kwabuya amapholisa akade athwele imbhobho lentuthu ehitshayo. Bathe sokumele sisuke kuleyo ndawo kodwa sathi singakakwenzi lokhu bahle baqalisa ngokufutha mina ngentuthu ehitshayo.

"Sigijime okumangalisayo kwathi abatwana labantu asebekhulile bahitshwa okumangalisayo. Abanye babo basesibhedlela okwamanje."

Uthe babikela amapholisa ngomhlangano wabo kodwa ukukhanya engani amapholisa abengafuni ukuthi bawenze.

"Lokhu yikwephula umthetho sibili. Benze okungamelanga bekwenze. Sithithibele silapha. Ngizakhuluma ngakho lokhu edale lephalamende."

Umthetho wePublic Order and Security Act uthi abantu abenza umhlangano emphakathini kumele babikele amapholisa.

UMaKhupe uzama ukuthatha imifanekiso yokwenzakalayo.
UMaKhupe uzama ukuthatha imifanekiso yokwenzakalayo.

Amapholisa agijimisa amalunga eMDC-T
Amapholisa agijimisa amalunga eMDC-T

XS
SM
MD
LG