amalinks wokungena

Breaking News

Amapholisa Athi Abazali Kumele Baqaphele Obhinya Abahuga Abantwana Besikolo


Schoolchildren wait to enter their school in Harare, Zimbabwe, Monday Sept, 28, 2020. Zimbabwe schools have reopened in phases, but with smaller number of pupils, more teachers and other related measures to enable children to resume their education withou

Amapholisa asexwayisa abazali ukuthi baqaphele ngoba kumalaqembu ezigangi ezihuga abantwana besikolo abangabafana enkundleni zokuxhumana ezifana leFacebook leWhatsApp ukuze ziye labo emacansini.

Isikhulumeli samapholisa uMnu Paul Nyathi uthi umfanyana othunjwe ngoNhlangula evela esikolo eHarare uNyasha Jayaguru, oleminyaka yokuzalwa elitshumi lasithupha, 16, uze watholakala kwenye indlu koBulawayo.

Uthi omunye wabasolwa kuloludaba, uEmmanuel Chatikomo umiswe emthethwandaba izolo kuthi owesibili uRichard Padzarondora ubikwa efele ezandleni zamapholisa kunsukwana ezedluleyo.

Wengeze wathi uNyasha usahlolwa ngodokotela ukuze kubonakale ukuthi kuyini okwenzakala kuye ngesikhathi sonke lesi engabonakali.

UMnu Nyathi uthe amapholisa aqhuba uphenyo ukuze abophe izigangi ezihuga abantwana besikolo laba ukuze ziye labo emacansini zisebenzisa iWhatsapp leFacebook, zona ezisebenziswa ngezinye izikolo ukuqhuba izifundo kulezinsuku ngenxa yomkhuhlane weCovid-19.

Wengeze wathi bazakhulumisana njalo labogatsha lwezemfundo ngaloludaba.

Umeli weSoutherton ephalamende uMnu Peter Moyo utshele iStudio 7 ukuthi ngempela abazali kumele baqaphele ngoba abantwana besengozini enkulu.

please wait
Embed

No media source currently available

0:00 0:02:56 0:00

Facebook Forum

XS
SM
MD
LG