Amapholisa Athi Akhathazekile Ngokwanda Kwezehlakalo Zokubulalana Kwabantu

Amapholisa athi akhathazekile kakhulu ngokwanda kwezehlakalo zokubulalana kwabantu phezu kwengxabano ezitshiyeneyo.

Isikhulumeli samapholisa uMnu Paul Nyathi wethule umbiko ngeSonto exwayisa abantu ukuthi bakhulumisane nxa kulokungavumelani phakathi kwabo, hatshi ukusebenzisa udlakela.

UNyathi wazise ngezehlakalo ezintathu ezibalisa esomsolwa weBikita, uWilliam Kuwanda, yena owetheswa icala lokutshaya uyise wambulala mhlaka 24 esithi nguye omfakela umnyama.

KuloTakudzwa Msimanga oweSanyati njalo obikwa etshaye umntwana oleminyaka elitshumi lasithupha uJestina Sakala wafa emethesa icala lokungaziphathi.

Omunye njalo umsolwa uShame Zorwa wetheswa icala lokubulala uPhilimon Mudzinge besetshwaleni.

Isiphathamanda senhlanganiso yeBulawayo Progressive Residents Association uMnu Thembelani Dube utshele iStudio 7 ukuthi ngempela kuqakathekile ukuthi abantu bakhulumisane kulokuthi baqondane ngodlakela.

Embed share

Ingxoxo loMnu Thembelani Dube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:26 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala