amalinks wokungena

Breaking News

Amapholisa Amisa Ngolaka Ukutshengisela Kwamalunga eMDC-T


Ihitshe abantu okumangalisayo intuthu ephoswe ngamapholisa abexotshana lamalunga ebandla leMDC-T.

Amapholisa aphazamise ukutshengisela kwabontanga bebandla le MDC-T, kwaphetha sekungomangoye legundwane, kuxotshanisanwa phakathi kwedolobho le Harare.

Abasakhulayo laba bavinjwe njalo ukusa incwadi yezikhalazo zenguquko abayifunayo kwezokuqhutshwa kokhetho kwabe Zimbabwe Electoral Commission (ZEC).

Bazimisele ukugijimisana lamapholisa abatsha bebandla leMDC-T ...
Bazimisele ukugijimisana lamapholisa abatsha bebandla leMDC-T ...

Amapholisa agombolozele abasakhulayo laba ebathela ngamanzi ababayo kanye lokubaphosela intuthu ehitshayo, besanda kuqalisa ukufola besuka emawofisini eHarvest House belubhekise emawofisini awe ZEC.

Unobhala jikelele wohlangothi lwabesifdazane, eHarare, kuMDC-T, uNkosikazi Lindani Moyo, usole kakhulu, ukkwenziwe ngamapholisa.

UTinashe Chiwara, omunye wabasebenza bucwadlana lemawofisini e ZEC, uthe kuyethusa kakhulu okwenziwe ngamapholisa okumele ukuthi avikele uzulu.

Abatsha bebandla leMDC-T abatshengisele ezitaladini eHarare.
Abatsha bebandla leMDC-T abatshengisele ezitaladini eHarare.

Indawo ezitholakala phakathi kwemigwaqo uJulius Nyerere lo Kaguvi ulubhekise emawofisini awe ZEC, lalezo ebezikumgwaqo uJason Moyo ulubhekise kuKwame Nkurumah, bezingahambeki amapholisa exotshana labantu mahlayana.

Abasakhulayo laba kabazange bagqoke impahla yebandla labo obekusenza kubenzima emapholiseni ukubadobha ngoba bangene emphakathini.

Kuke kwaba lesehlakalo sokujikijelwa kwamapholisa la ngamatshe, ekuxokozeleni lokhu duzane lemawofisini awe ZEC, abasakhulayo laba behlabela ingoma ebezichothoza ukwenza kukamgcinisihlalo wayo, uNkosikazi Rita Makarawu.

Facebook Forum

XS
SM
MD
LG