amalinks wokungena

Breaking News

Amapholisa Azama Ukuthathela uHopewell Chin'ono iCamera


Intathelizindaba uHopewell Chin’ono

Kuqhamuke ukufuthelana phakathi kwamapholisa lamaqgwetha entathelizindaba, uHopewell Chin’ono, emzini wakhe eHarare, lapho esefuna ukuthatha eyinye yemitshina yakhe yokusebenzisa egoqela amacamera, esithi adinga ubufakazi ecaleni alibotshelwe ngoMvulo.

Ngalanga linye kubotshwe njalo omunye wabakhokhela umkankaso wokuqoqa ukutshengisela kukazulu ekupheleni kwayonale inyanga kaNtulikazi, ongumkhokheli njalo welinye lamabandla aphikisayo, eleTransform Zimbabwe, uMnu. Jacob Ngarivhume.

Amaqgwetha akhe ame ngelokuthi imitshina le, kayikho kuluhlu lobufakazi obelumun yethwe kuSearch Warrant ebize lamapholisa.

Lokhu kubikwa kwenze amapholisa agijimela emthethwandaba kaMantshi ukuyathola eyinye incwadi ebapha ilungelo lokuthatha ama camera lawo njengobufakazi abakade bebudinga.

Amapholisa abikwa ebe elayo incwadi eye search warrant abayiphiwe ngu Mantshi uJudith Taruvinga kodwa ibe ingabaphi imvumo yokuthatha ama camera akade esefuna ukuwathatha khona ukuyalwe ngamaqgwetha kaChin’ono awenhlanganiso eye Zimbabwe lawyers for Human Rights, emmelwe nguNkosikazi Beatrice Mtetwa lo Mnu Douglas Coltart.

UMantshi ubikwa ephe amapholisa imvumo ebavumela ukuyadingisisa ubufakazi emzini womkhokheli we Transform Zimbabwe uMnu Jacob Ngarivhume, yena obotshwe izolo.

Abababili laba betheswa icala lokwephula umthetho ngokutshotshozela abantu ukuba bahlamukele uhulumende, kodwa bona bayalilandula lelicala.

Isikhulumeli sabeZimbabwe Lawyers for Human Rights, uMnu Kumbirai Mafunda uthi amapholisa amathathu alele elinde indlu ka Chin’ono.

Ngesikhathi esikhulume uMafunda amapholisa la abikwa ebe engakaphenduki leyinye incwadi eye search warrant eyokuthi beqhubeke bedinga ubufakazi kumbe ukuthatha imitshina yamacamera.

Isikhulumeli samapholisa uAssistant Commissioner Paul Ntathi utshele iStudio 7 ukuba amapholisa kawala mazwi abangawatsho ngodaba lolu ngaphandle kwabawukhiphe izolo. UNyathi uthi njalo akalalwazi lokuba amapholisa aye ayakhwathaza endlini ka Chin’ono lo Ngarivhume esithi kakho ehofisini yakhe.

Kodwa uMafunda yena okhulume le Studio 7 esemzini ka Chin’ono ngesikhathi amapholisa edingisisa ngalolodaba uthi uChin’ono lo Ngarivhume bakhangelelwe ukumiswa phambi komthethwandaba kusasa, njalo bazalala ezandleni zamapholisabevalelwe.

Facebook Forum

XS
SM
MD
LG