amalinks wokungena

Breaking News

Amapholisa eZimbabwe Abopha uEvan Mawarire Owe #ThisFlag eHarare


FILE: UMfundisi Evan Mawarire phandle kwe Harare Central Police station in Zimbabwe, July 12, 2016.
FILE: UMfundisi Evan Mawarire phandle kwe Harare Central Police station in Zimbabwe, July 12, 2016.

Umfundisi Evan Mawarire owenhlanganiso ye#ThisFlag ngoLwesithathu ubotshwe ngamapholisa ezama ukubuyela ekhaya.

Igqwetha lakhe, uMnu. Harrison Nkomo, labasebenzelana laye abagoqela igqwetha elihlala eMelika, uMnu. Doug Coltart, bathi uMawarire ubotshwe esanda kwehla indizamtshina eHaarre Airport ekade ivela kwele South Africa.

Amapholisa athe uMawarire ubotshwe ngamapholisa awe Law and Order Section abamethesa icala lokuthi wabalekela icala lokuthi wayefuna ukugenqula uhulumende kaMongameli Robert Mugabe.

Icala aletheswayo lezathethwa ngaphansi kweziqondiso zomthetho weCriminal Law (Codification and Reform) Act okubeka sobala ukuba umuntu ogwetshwe ngaphansi komthetho lo ulakho ukupika entilongweni okweminyaka engamatshumi amabili.

Amagqwetha akhe athi icala aletheswayo ngelinjengalelo aletheswa lalahlelwa khatshana lidale lomthethwandaba ngoNtulikazi nyakenye kulandela ukutshengisela kukazulu ezitaladini ayekukhokhela eyembethe iflegi yeZimbabwe.

Wathi esuka ekhaya uMawarire nyakenye wayesetheswa icala lokuthi wayezama ukukhipha uhulumende weZimbabwe okungekho emthethweni.

Wayekhuthaze uzulu ebambisane lenhlanganiso yeTajamuka-Sesijikile Campaign ukuba angene ezitaladini ethwele amaflegi eZimbabwe ekhonona ngokugugudeka komnotho lokunye okubahluphayo.

Akwazakali ukuba uMawarire uzahanjiswa nini emthethwandaba.

XS
SM
MD
LG