Ugatsha lwezempilakahle luthi kubhubhe oyedwa ngeCovid-19 eZimbabwe ngeSonto njalo kwatholakala abedlula amakhulu amahlanu, 523, belomkhuhlane lo.
Abahlatshwe ijekiseni yakuqala yokwenqabela lumkhuhlane bangu9,407 kuthi abahlatshwe eyesibili bangu7,989.
Amasonto asesungule uhlelo lokukhuthaza amakholwa ukuthi lawo ahlatshwe ngobunengi.
Iziphathamandla zamasonto la zithi zikhangelele ukuhuga amalunga enkolo ezitshiyeneyo angena kuzigidi ezimbili ukuthi ahlatshwe ukuze azivikele kulumkhuhlane.
Loluhlelo luza ngesikhathi inani labantu ababanjwa i-coronavirus selikhwela suku ngosuku ngesilinganiso esiphezuku.
Umqondisi wenhlanganiso yeZimbabwe Christian Alliance uMnu Useni Sibanda utshele iStudio 7 ukuthi sebeqalisile ukubhoda ngelizwe ngaloluhlelo.