amalinks wokungena

Breaking News

Amatitshala Emaphandleni Athi Azangena Ezitaladeni Etshengisela Phezu Kweholo Elincinyane


Amatitshala enhlanganiso yeRural Teachers' Union of Zimbabwe etshengisela nyakenye.

Inhlanganiso ezimela amalungelo ababalisi ezedlula isithupha bezilomhlangano eHarare ngoMvulo lapho ezithethe isinqumo sokuthi amalunga azo azatshengisela izikolo zivulwa ngenyanga ka May, ngendlela yokubamba uhulumende ngamandla ukuthi engezelele iholo lazo, kanye lezinye indingeko.

Isiphathamandla senhlanganiso ye Rural Teachers Union of Zimbabwe uMnu. Pride Mukono, obekulo umhlangano uthi ugwalo lwabo lwezikhalazo bazalupha umongameli Emmerson Mnangagwa emahofisini akhe eHarare ngeviki ezayo.

UMnu. Mukono, uchasisela uSithandekile Mhlanga weStudio 7 okunengi ngalumhlangano kanye lezikhalazo zababalisi.

UMukono uthi bakhangele imali eholwa ngamatitshala isiphansi kakhulu nxa kuqathaniswa lokukhwezwa kwentengo yempahla ezitolo lokuswelakala kwemali emabhanga.

Uthi labo amatitshala asebenzisa amakhadi labomakhalekukwini kwenza intengo ikhwele njalo.

“Sisuke futhi sakhangele ukuthi amatitshala lokhetho lolu oluzayo bazasebenza njani, ikakhulu sikhangele udlakela olwandise ukubakhona ngalesi sikhathi esisiya kuso,” kutsho uMukono.

Uthi okunye njalo abakukhangelileyo yimali yama allowance engamadola alitshumi lasitshiya galolunye abathi iphansi kakhulu.

Okunye, uMukonyo uthi, yisikhathi sokuphumula abasiphiwayo kodwa bengaphiwa iholo.

“Sithethe izinqumo ezinengi sibili kodwa esakuqala ngesokuthi kusukela ku term ezayo ngo May, isecond term, asisoze sivule izikolo nxa uhulumende engathathanga nyathelo ngendaba yezikhalazo zethu,” kutsho uMukono.

Uthi ngeviki ezayo bavumelane ukuthi bangene ezitaladeni betshengisela belubhekise emahofisini kamongameli Mnangagwa lezikhalazo zabo.

please wait

No media source currently available

0:00 0:02:22 0:00

Facebook Forum

XS
SM
MD
LG