Kukhanya engani abanye abantu okumele benike ubufakazi kudale le-House of Representatives bayala ukuzeveza udaba lokucatshangelwa ukuthi kwenziwa nguMongameli Donald Trump owacela umongameli wakwele Ukrainne ukuthi ahlolisise okwenziwa ngumtaka Joe Biden kulelolizwe.
UTrump kubikwa ukuthi wayefuna ukuthi umongameli wakwele Ukrainne ahlolisise okwenziwa nguMnu. Hunter Biden owayesebenzela inkampani ephehla umlilo kagetsi.
Ucabangela ukuthi uHunter wenza ubukhohlakali kulelolizwe kwasekungenela uyise esesengomsekeli kamongameli wakwele Melika.
UMnu. Joe Biden, okukhangelelwe ukuthi uzancintisa kukhetho lukamongameli ngomnyaka ozayo, uyakuphika lokhu.
Uthi uTrump ukhuluma ize esenzela ukuthi akhulume ngakho lokhu ngesikhathi sokhetho oluzayo.
UMnu. Den Moyo, ingcwethi kwezombusazwe ezimele yodwa, uthi abasekela uTrump bayesaba ukunika ubufakazi kudale leHouse of Representatives ekhokhelwa ngamalunga ebandla lama Democrats asehlolisisa udaba lolu esenzela ukuthi ajezise umongameli.
Kasenelisanga ukukhuluma leziphathamandla zikahulumende kaTrump.
