amalinks wokungena

Breaking News

Wenelisa Umnyaka Esewofisini Kamongameli uTrump Kulabanye Abathi Kenzi Kahle Umsebenzi


UMongameli Donald Trump.

Sokulomnyaka uMongameli Donald Trump esesikhundleni kulabanye abathi wenze kahle kwezokuthuthukisa umnotho welizwe kodwa abanye besithi ulobandlululo olumangalisayo njalo uxabanisa abantu abakuzombusazwe kwele Melika lamanye amazwe.

Abantu abanengi bathi uTrump kabusi ngemfanelo kwele Melika okwenza ukuthi kubelokuxabana okumangalisayo elizweni lakhe.

Okwamanje uhulumende weMelika uphelelwe yimali emadabukakusa ngesikhathi uTrump efikisa umnyaka esesikhundleni sikamongameli.

UTrump wangena esikhundleni sikamongameli kulandela ukunqoba kwakhe uNkosikazi Hillary Clinton ngomyaka ka2016.

Uthe engena esikhundleni wathembisa ukuthi uzaguqula indlela uMnu. Barack Obama obekhokhela ngayo okugoqela ukudlelana labantu bakwamanye amazwe. Wathi eqalisa umsebenzi wahle wavimba ukuthi abantu abasemazweni abakholwa isiMuslim bengavunyelwa ukuza kwele Melika.

Amazwe la abalisa eleIran, Lybia, Yeman, Somalia leIran athi ancedisa amalwecatsha azonda ilizwe leMelika.

UTrump esenza konke lokhu, umnotho welizwe leMelika uthuthuke okumangalisayo lobanje yena elokhe ezondwa ngabantu abanengi abathi ulobandlululo. uTrump kuthiwa usanda kwethula amazw I athi abantu beHaiti labavela kuzwekazi leAfrica bavela kulokhu athi ngama ‘s…hole’ countries’

Lokhu kuzondise abantu abanengi kuzwekazi leAfrica labantu abansundu abahlala kwamanye amazwe okugoqela eleMelika.

Kambe useyenzeni uTrump selokhe wangena esikhundleni sombongameli welizwe leMelika?

UDokotela Nkululeko Sibanda, ingcwethi kwezombusazwe osekolitshini leHuddersfield University, uthi uTrump sowebhidliza ilizwe leMelika.

“Engingakutsho yikuthi uTrump usebenze nzima ukuthi aguqule ilizwe leMelika libenjengele Iran kumbe ele China. Akula omunye umongameli wakwele Melika owenza lokhu esesesikhundleni. Ilizwe leMelika selilobudlelwano obunjengobelizwe leNorth Korea …”

UMnu. Den Moyo, umgcinisihlalo webandla leMDC-T kwele Melika, uthe kuyamangalisa ukuthi uTrump uqhubekela phambili esephula ilungelo likazulu njalo elwisana labantu abaphikisana laye ngendlela engafanelanga.

Konke lokhu kwenzakala ngesikhathi uhulumende weMelika esephelelwe yimali yokusebenzisa ngoba amalunga edale leCongress engavumelananga ukulungisa udaba lwabantwana ababuya kwele Melika okungelamvumo besesebancane abakuhlelo olubizwa ngokuthi yiDeferred Action for Childhood Arrivals olwasungulwa nguhulumende kaMnu. Obama.

Lokhu kutsho ukuthi izisebenzi ezinengi zikahulumende kazisoze ziye emsebenzini njalo leholo lazo lizaphuza ukuphuma esambeni sikahulumende. Kukhangelelwe ukuthi osomabhizimusi beMelika bazalahlekelwa ngamabhiliyoni ayisithupha samadola - $6 billion ngeviki ngesikhathi uhulumende evaliwe.

UNkosikazi Thalenta Ncube, isizalwane seZimbabwe esihlala eDallas Texas kwele Melika, uthi ukuvalwa kukahulumende kuveza ukuthi uTrump kakwazi ukubusa.

Useyethuleleni Abantu uDonald Trump
please wait

No media source currently available

0:00 0:09:59 0:00

Facebook Forum

XS
SM
MD
LG