amalinks wokungena

Breaking News

Kukhulunywa Ngokubumba Imithetho Yokuba Lemibhobho Ngemfanelo eMelika


UTrump lomkhakhe uMelania Trump.

Akwaziwa ukuthi kuzalungiswa udaba lwemibhobho eMelika esetshenziswa ngabanye abalenkethabetshabi ukubulala eminye imihlobo labantu bokuza.

Kulamhlophe ababili abasanda kubulala abantu abedlula amatshumi amathathu endaweni ebizwa ngokuthi yi-El Paso eTexas leDayton esabelweni seOhio.

Abakubandla lama Republicans kanye lama Democrats abakudale leCongress bakhuluma okwamanje ngokumele kwenziwe ukuze kunqabelwe ukubulawa kwabantu mahlayana osokuvamile eMelika.

Ukuze sihlaziye udaba lolu, sixoxe loMnu. Den moyo, ocubungula ezombangazwe, othi kaboni uTrump lebandla lama Republicans belungisa udaba lokusetshenziswa kwemibhobho eMelika.

Ingxoxo Esiyenze LoMnu. Den Moyo
please wait

No media source currently available

0:00 0:01:17 0:00

Kusenjalo, amagqwetha amele izabelo ezilitshumi kwele Melika athi azabambisana indlela yokuvimba uhulumende kaMongameli Donald Trump oseguqule umthetho wokondla inyamazana lezinanakazana zasendle obizwa ngokuthi yiEndangered Species Act.

Uhulumende kaTrump uthi useguqula ezinye iziqondiso zomthetho lo ovimba ukubulawa kwezinye inyamazana lenyoni lokuganyulwa kwezinye izihlala.

Uhulumende kaTrump uthi ekuguquleni umthetho lo, bazavikela okunye kwalokhu obekungaphansi komthetho lo lobanje okunye njalo kuzafinyelelwa nguzulu.

Abakhangele ezemvelo bathi okwenziwa nguTrump labanye abakhe yikuzama ukusebenza labantu abagamula izihlahla zokwenza izindlu lokunye labacongolozela amafutha ezimota.

Umthetho lo uvikela ukubulawa kwengqungulu lokunye okukhanya sokuphela ngokuya kwezikhathi eMelika.

Facebook Forum

XS
SM
MD
LG