amalinks wokungena

Breaking News

Baphoselana Aqatha Ngokwethulwa Ngumtshutshisi Owahlolisisa Okwenziwa NguTrump Ngesikhathi Sokhetho


UMnu. Robert Mueller

UMnu. Robert Mueller ngoLwesithathu utshele ikhomithi ebona ngezomvikela kwele Melika eyeIntelligence Committee edale leHouse of Representatives ukuthi uTrump kaphunyukanga kudaba lokwephula imithetho yelizwe.

“Kasithathanga isinqumo sokuthi umongameli wabalecala.”

Uthe ilizwe leRussia langenela kukhetho olwanziwe ngomnyaka ka2016.

“Selokhu ngabona kubhidlizwa indlela okubuswa ngayo kwele Melika, ukungenela kukhetho okwenziwa lilizwe leRussia kukhetho lwethu kangikazi ngikubone. Ngibona engani siyavumelana ngalokhu.”

Uthe ababekumkhankaso wokhetho bencedisa uTrump bamukela okwethulwa lilizwe leRussia.

Kodwa-ke uMnu. Devine Nunez, owebandla lama Republicans, uthi isisusa sendaba lodaba lophenyo olwenziwe nguMueller yikuthi kwakugxile emangeni.

“UGeneral (Michael) Flynn nguye owabayisisusa sodaba lolu ngoba wayecatshangelwa ukuthi uthandana lepholisa lensitha. Konke lokhu kwakungamanga ngoba okuthiwa wayethandana laye wayecatshangelwa ukuthi wayedlelana lelizwe leRussia. Kwathi-ke uhlangothi lwamapholisa olwe MI6 lwamemethekisa amanga la kumaphephandaba.”

UTrump utshele intathelizindaba ukuthi uMueller wethule udaba olungaqedakaliyo edale leCongress.

“Ngibona engani uMuller kenzanga kahle. Wethule amanyala. Akulanto abeyitshela abantu ngoba ubengaphathanga lutho lokuvezela uzulu.”

UNkosikazi Nancy Pelosi, umkhokheli wedale leHouse of Representatives okubandla lama Democrats, uthi abalendlebe bazizwele okwethulwe nguMueller.

Uthi loba echaye konke emphakathini kasikafisi isikhathi sokuthi bathonise uTrump edale leli kulokhu okubizwa ngesilungu ngokuthi yi-impeachment.

“Nxa siphatha udaba lolu kumele sibone ukuthi silobufakazi bonke. Lokhu kukunengi okumele kulungise emthethwandaba.”

Akwaziwa ukuthi luzaphela njani udaba lolu ngoba kukhanya amabandla la elokhu ethobelene ngokwenziwa nguTrump ngomnyaka ka2016.

Udaba Esilethulelwe NguGibbs Dube
please wait

No media source currently available

0:00 0:03:38 0:00

Facebook Forum

XS
SM
MD
LG