amalinks wokungena

Breaking News

EleMelika Lengezelela Ngomnyaka Izijeziso Zenotho Ezafakelwa Inkokheli Yebandla leZanu PF.


UMongameli Donald Trump

Ilizwe leMelika selingezelele ngomnyaka izijeziso zenotho ezafakelwa inkokheli yebandla leZanu PF.

UMongameli Donald Trump wethule umbiko lo ngoLwesithathu ebulenjini bokuxhumana ekhasini leWhite House esithi akulalutho osoluguqukile kwele Zimbabwe selokhu kwasuswa owayengumongameli umuyi uRobert Mugabe esikhundleni ngomnyaka ka2017 njengoba abezomvikela baqhubekela phambili bebulala abantu njalo badlwengula abesifazana mahlayana.

UTrump uthi uhulumende kaMongameli Emmerson Mnangagwa uthumba abantu abaphikisana laye njalo wehluleke lokuguqula umnotho welizwe obhidlika okumangalisayo.

Uthi uhulumende kaMnangagwa kwakukhangelelwe ukuthi uzaguqula indlela okubuswa ngayo eZimbabwe kusukela ngomnyaka ka2017 kodwa akulanguquko esiyenziwe elizweni.

UTrump uthi ukubone kufanele ukuthi ukwengezelela izijeziso lezi ezafakwa nguhulumende kowayengumongameli, uMnu. George Bush, ngomnyaka ka2003.

“Uhulumende kaMongameli Emmerson Mnangagwa kavezi ukuba uzaguqula njani ezombangazwe lokunye. Uhulumende weZimbabwe uqhubekela phambili ethwalise nzima abantu abamphikisayo njalo lokwenza ubukhohlakali. Abezomvikela babulala abantu, badlwengula abesifazana njalo bathumba abaphikisa uhulumende.

“Lokhu kuveza ukuthi kabahloniphi uzulu njalo lemithetho yelizwe ngakho-ke sibona ukuthi lokhu kwephula okufiswa nguhulumende wakwele Melika nxa sikhangela ngezakwamanye amazwe. Ngakho-ke ngikubone kufanele ukuthi kwengezelelwe ngomnyaka izijeziso lezi ezethulwa ngaphansi kweziqondiso zikamongameli iExecutive Order 13288.”

Kodwa-ke umsekeli wesikhulumeli sikahulumende, uMnu. Energy Mutodi, uthi kubi okwenziwe nguhulumende kaTrump.

Izijeziso lezi zafakelwa abantu abedlula amatshumi ayisitshiyangalombili – 86 njalo lamankampani afika phose amatshumi ayisithupha – 56.

Facebook Forum

XS
SM
MD
LG