amalinks wokungena

Breaking News

'Kasisoze Sixolise iZanu PF Ngokwethulwa yiMDC Alliance eMelika Ngezijeziso Zenotho'


UMnu. Nelson Chamisa loMnu. Tendai Biti basemhlanganweni abawenza lamalunga edale leCongress kwele Melika.

Umanyano wamabandla aphikisayo owe Movement for Democratic Change (MDC) Alliance uthi uhambo lwabo lokuya eMelika abasanda kulwenza belungelani ngokwezijeziso zenotho ezethulelwa eleZimbabwe.

Amalunga omnanyano lo athi njalo bona njengezizalwane zeZimbabwe ngeke bathabela ukuhlupheka kukazulu.

Lokhu kuphume emhlanganweni wabo lentathelizindaba owenzelwe esigodlweni sebandla leMDC-T eHarvest House, eHarare ngoLwesithathu.

Omunye wabakhokheli bomanyano lo engowebandla lePeople’s Democratic Party, uMnu. Tendai Biti, onguye okhokhele iqula eliye kwele Melika, uthe uhambo lwabo belujonge ukuphathisa eleZimbabe hatshi ukuya dingela ilizwe izijeziso zenotho njengalokho osokhuphuma kwamanye amaphephandaba lemisakazo yeZimbabwe.

FILE: UMnu. Tendai Biti.
FILE: UMnu. Tendai Biti.

Omunye njalo wabakhokheli bebandla leMDC elikulumanyano munye, uMnu. Welshman Ncube, uthe imibiko ethi iqula leMDC Alliance eliye eMelika lihambe lilenjongo yokuyakhuthaza lelolizwe ukuthi liqinise izijeziso elazethulela ele Zimbabwe ingamanga aqanjwa libandla leZANU PF.

Wengeze ethi imibiko enje ijonge ukunyampisa inhliziyo zabasekeli bamabandla abumba iMDC Alliance lona ukhetho solusondele kanye ngomnyaka ozayo. Ngakhoke ukhuthaza abantu ukuthi bengalahli imbeleko ngemibiko le kodwa baqubeke bebhalisa ukuze bathole ilungelo lokuvota kukhetho lomnyaka ozayo kodwa ekhala ngokuthi ngabe uhulumende uyenza kubelula ukwenza njalo ngoba khathesi incwadi ezifunakalayo zizinengi kakhulu.

UNcube uthi ibandla leZANU PF uma liqinisile ukuthi lifuna ukulingisisa ezokhetho kufuze livume ukuthi ikhomishini yeZimbabwe Electoral Commission izimele yodwa ukwenzela ukuthi yenelise ukubala amavoti iwatshengise uzulu ngesiphangiphangi.

Osakhulayo uMnu. Sondlane Dube uthe ukholwa okukhulunywe ngabe MDC Alliance njalo okokuthi bebeyedinga ukuqiniselwa kweZimbabwe izijeziso zenotho kuyinkulumo nje yeZANU PF ejonge ukungcolisa lumanyano.

Ingcitshi yezombusazwe uMnu. Adam Sithole uthe abomanyano we-MDC Alliance bebevele bengafuzanga baye eMelika ngoba uzulu ubesithi amabandla lawa angancedana leleZanu PF ukwakha ilizwe hatshi ukugijimela ukuyakhuluma labalelo lizwe yena uhulumende omutsha engakakhulumisani lalo.

Inkokheli yomanyano weMDC Alliance.
Inkokheli yomanyano weMDC Alliance.

​Ekhuluma emhlanganweni munye, uBiti uthe abasoze baxolise kubandla leZanu PF loba emphakathini ngoba uhambo lwabo belungelokulungisa inhlalakahle kazulu njalo inkulumo zeZANU PF azisoze zibethusele ukuthi bengenzi lokho.

Wengeze wathi kunje iMDC Alliance iqoqa ukuya kwele China lase Russia ngomnyaka ozayo.

Abe MDC Alliance bebenxuswe nguhulumende weMelika kungxoxo yokuchasisa okwenzakala eZimbabwe kulandela ukususwa kowayengumongameli, uMnu. Robert Mugabe, esikhundleni nguMnu. Emmerson Mnangagwa ebambisane lamasotsha.

Inkokheli eye MDC Alliance ebikhona emhlanganweni lo ibalisa uNcube emmele iMDC yakhe lomsekeli womkhokheli weMDC-T uMnu. Nelson Chamisa kanye loBiti owePDP onguye okhokhele iqula lalu manyano eliye kwele Melika.

Udaba Esilethulwe NguGibson Bhebhe
please wait

No media source currently available

0:00 0:04:33 0:00

Facebook Forum

XS
SM
MD
LG