amalinks wokungena

Breaking News

Amnesty International: Bekumnyama Emuva, Kodwa Phambili Kulokukhanya


Lanxa ukwephulwa kwamalungelo oluntu kuqhubeke kubhahile eZimbabwe nyakenye, elakusasa likhanya lithembisa kulandela ukugenqulwa kombuso kaMnu Robert Mugabe.

Lawa ngamazwi enhlanganiso ekhankasela amalungelo oluntu, iAmnesty International, ewethule eHarare ngoLwesine ngemva kwenholisiso yayo ebiqondane lokulondolozwa kwamalungelo kazulu.

Inhlolisiso le ikhangele njalo isimo samalungelo oluntu emhlabeni jikelele. Emhlubulweni wezansi yezwekazi leAfrica, linhlanganiso ithe abalwela amalungelo bahlukuluzwe kakhulu ngohulumende babo ngo2017.

Umqondisi weAmnesty International eZimbabwe, uMnu Cousin Zilala usole uhulumende weZimbabwe esithi wephula ilungelo loluntu mihla lamalanga lanxa nje ekulandula lokhu.

Kodwa uZilala uthe ukugenqulwa kukaMugabe embusweni libutho nyakenye kulethe ithemba lokuthi ukuhlukuluzwa okugoqela ukubotshwa lokutshaywa kwabantu abaphikisana lohulumende kuzahlehla.

please wait

No media source currently available

0:00 0:04:09 0:00

Facebook Forum

XS
SM
MD
LG