amalinks wokungena

Breaking News

ANC: Siyaxolisa Ngokusebenzisa Indizamtshina Yebutho Ukuyabonana leZanu PF Njalo Sizahlawula


President Cyril Ramaphosa greets supporters after casting his vote at the Hitekani Primary School in Soweto, Johannesburg, South Africa, May 8, 2019. His ruling African National Congress is set to win and retain power for the sixth time in a row.
President Cyril Ramaphosa greets supporters after casting his vote at the Hitekani Primary School in Soweto, Johannesburg, South Africa, May 8, 2019. His ruling African National Congress is set to win and retain power for the sixth time in a row.

Ibandla elibusayo kweleSouth Africa, eleANC, selize lavuma ukuhlawula uhulumende phezu kokusebenzisa indizamtshina yebutho ukuya eZimbabwe ukuyakhulumisana leziphathamandla zeZanu PF ngeviki edluleyo.

Amabandla aphikisayo kulelolizwe yiwo aphoqe iANC ukuthi ihlawule limali ngoba esithi kwakungaqondanga ukuthi iqula lalelibandla lisebenzise indizamtshina kahulumende.

Unobhala jikelele weANC, uMnu Ace Magashule, onguye owayekhokhela iqula elaya eZimbabwe, uxolisile izolo wathi bazahlawula.

Wengeze wathi bahamba ngendizamtshina yebutho ngoba kwakungela ndizamtshina eziya eZimbabwe ngenxa yegciwane leCoronavirus.

Lelibandla lazise njalo ukuthi lizaphindela eHarare maduze ukuyakhulumisana lamabandla aphikisayo lenhlanganiso ezizimeleyo ngokuhluphayo eZimbabwe.

Kodwa ibandla leZanu PF alikufuni lokhu ngoba lithi akuladubo oludinga umlamlankunzi.

Umgcinisihlalo wenhlanganiso emela izizalwane zezwekazi leAfrica ezihlala kweleSouth Africa, eyeAfrican Diaspora Forum, uMnu. Vusumuzi Sibanda utshele iStudio 7 ukuthi uhambo lwequla leli lwamangalisa abantu abanengi ababecabanga ukuthi lihamba limele uhulumende hatshi ibandla leANC.

please wait

No media source currently available

0:00 0:03:01 0:00

XS
SM
MD
LG