amalinks wokungena

Breaking News

ARTUZ: Imihloliso Ayimiswe Kuvalwe Lezikolo Ngoba Sezigcwele Umkhuhlane weCovid-19


Schoolchildren wait to enter their school in Harare, Zimbabwe, Monday Sept, 28, 2020. Zimbabwe schools have reopened in phases, but with smaller number of pupils, more teachers and other related measures to enable children to resume their education withou

Inhlanganiso yeAmalgamated Rural Teachers Union of Zimbabwe (ARTUZ) ithi uhulumende kumele amise ukubhalwa kwemihloliso njalo avale izikolo ngoba umkhuhlane weCovid-19 usumemetheka ngamandla ezikolo.

Inkuthazo le iza ngesikhathi zisanda izikolo ezilabafundi lababalisi ababanjwa lumkhuhlane.

Isikolo seGoromonzi leseWaddillove eziseMashonaland East zibikwa zivalwe kuthange ngemva kokufunyanwa kwabafundu abedlula amatshumi amahlanu, 52, bolomkhuhlane weCovid-19.

Isikolo seMtshabezi High eMatabeleland South laso sivaliwe ngenxa yalumkhuhlane.

Ezinye izikolo esezihlangane lodubo lunye zigoqela eseJohn Tallach esiseNtabazinduna, iMatopo High eseMatabeleland South leChinhoyi High esiseMashonaland West.

Ezinye zalezizikolo zivaliwe okwesikhatshana kodwa zaphanga zavulwa ngoba uhulumende uthi imihloliso kumele ilotshwe loba sokutheni.

Lanxa uhulumende esithi kulabafundi abangamakhulu amathathu kuphela kumbe amane asebebanjwe lumkhuhlane, inhlanganiso yeARTUZ ithi bedlula inkulungwane elamakhulu amahlanu.

Isiphathamandla salinhlanganiso uMnu Nation Mudzitirwa utshele iStudio 7 ukuthi ukwekela ukuvala izikolo yikufaka impilo zabafundi lababalisi engozini enkulu.

please wait

No media source currently available

0:00 0:02:35 0:00

Kusenjalo, umgcinisihlalo wekhomithi ebona ngezempilakahle kukhansili yakoBulawayo uNkosikazi Sinikiwe Mutanda uthi uzulu kumele alimuke njalo azivikele kugciwane leCoronavirus, lona athi lilakho ukumemetheka ngamandla kulandela ukuvulwa kwemingcele yelizwe ngoLwesibili.

UMutanda uthi kuyadanisa ukuthi idolobho lakoBulawayo yilo elihamba phambili kulezinsuku ngabantu ababanjwa lumkhuhlane kanye labafayo.

please wait

No media source currently available

0:00 0:02:55 0:00

Lanxa uhulumende engethulanga amanani ayizolo, ngoLwesibili iBulawayo ibilokhe ikhokhela ngenani labagulayo elizweni abangu-516 ilandelwa yiMatabeleland South ngabantu abangu-148.

Kuzinga lesithathu kuleMashonaland West yona elabantu abangu-139 ilandelwa yiHarare ngabantu abangu-134.

Asebetholakele belomkhuhlane lo elizweni lonke selokhu waqhamukayo sebengu-10129. Asebepholile bangu-8643 kuthi abalokhe begula bona bangu1209. Asebebhubhile bangu-277.

Facebook Forum

XS
SM
MD
LG