amalinks wokungena

Breaking News

Asesilela Amaphilisi Okwelamisa Kuhle Imuli aweFamily Planning eZimbabwe


Amaphilisi okuhlela kuhle imuli aweFamily Planning

Indlela ezisetshenziswa ekuhleleni lokwelamisa imuli kuhle, ezinjengamaphilisi asesilela okwethusayo eZimbabwe.

Evikilini elithengiswa imithi eleSuper Med sebethengisa ngamadola alitshumi lambili-$12 ibhokisi elilodwa bethi labo lapho abawathatha khona intengo ikhuphulwe.

Uzulu uveze ukukhathazeka ngoba amaphilizi kuyiwo asebenza kakhulu lapho edinga ukuhlela lokwelamisa kuhle imuli.

Unkosikazi Noleen Zulu osebenza lapho okuthengiswa khona amaphilizi la uthi balohlupho lokusilela ngoba kuthola ngaphandle kwelizwe.

“Sinanzelela ukuthi silodubo lokuswelakala kwamafamily planning tablets amabirth control lamasecure udubo esilalo yikuthi sikuthola ngaphandle kwelizwe, sibhekane lobunzima be economy yalapha elizweni lethu laseZimbabwe lokhu silokuhlukuluzwa nguHulumende wethu lo osiphetheyo. Abantu bathwele nzima phandle lapha thina emapharmacies asilawo iqiniso elikhona yikuthi amafamily planning tablets asilawo, abanye abasebenzisa these types of tablets bazame to switchto amanye ahlukeneyo anjengabo DEPO.”

Unkosikazi Buhle Dube ongumzali uthi le sekuyindlela yokungcindezela omama ngoba bengeke bayenelise intengo yakhona.

‘‘Okukhona yikuthi amacontrol pills lawa yiwo angcono kubomama abanengi amanye amamethods lawa akhona abanye omama vele abawazwisisi .Amacontrol pills yiwo ade elula ukuthi abeseduze lobanguphi umama loma uvela ngaphi loma uhleli ngaphi ,so nxa intengo yakhona isiphezulu sokuyikuvalela phandle ukuthi ifamily planning alisakwanisi ukuyenza ngoba umama imali angayithola ngeyokuthenga ukudla ukuthi aqamule ayedinga amaphilizi angiboni ukuthi yinto ezakwaniseka.’’

Umnumzana Lindani Sibanda uthi lokhu kuzaba nzima kubo mama ngoba obaba abanengi bejwayele ukubalekela izithandwa zabo lapho sebezithwele okuzakwenza inani labantwana abangahlelwanga liqonge.

“Ukusilela kwamaphilisi kuza affecta kakhulu omama esikhathini esinengi ngoba obaba esikhathini esinengi abakuboni kungumlandu wabo endabeni zefamily planning. Njalo sinanzelela ukuthi obaba bayala izisu nxa kungela mtshado ,so lokhu kuzaphambanisa ilizwe kakhulu endabeni yokuthi kuzabe kulabantwana abangaplanelwanga kuzayenza ukuthi endaweni yezikolo edaweni yezibhedlela izinto okumele zilethwe nguHulumende njengoba zisilela lobunzima endabeni zepopulation ngoba izaqhubeka ikhula ngendlela enga planelwanga.”

Unkosikazi Sizwile Nxumalo oyisakhamuzi uthi lokhu kunzima ngoba akukho okunye akusebenzisayo ngaphandle kwawo amaphilizi.

"Umumo wokushota kwamafamily planning tablets kusithwalisa nzima, khathesi umumo weZimbabwe sithwele nzima sinje abantwana sithwele nzima ukuthi baye ezikolweni khathesi izikolo ziyavulwa. Ngitshelanini khathesi ngizazithwala next year ngizithwale shuwa akelingitsheleni ngizabathini abantwana laba ngoba ngizavikela ngani akula engingavikela ngakho ngoba ngivunywa yiwo amatablets mina angisakwazi.’

Inengi labomama liveze ukukhathazeka okukhulu ngokusilelakanye lokuqonga kwentengo yamaphilisi okuhlela izimuli bethi lokhu kuzadala ukuthi kubelabantwana abanengi abangahlelwanga.

please wait

No media source currently available

0:00 0:03:59 0:00

Facebook Forum

XS
SM
MD
LG