amalinks wokungena

Breaking News

Asetholakala Amakawuso eBosso leDeMbare


Amakawuso aweBosso
Amakawuso aweBosso

Isikhulumeli seqembu lenguqu ele Highlanders, uRonald Moyo usethembise abalandeli beqembu leli ukuba amakawuso afana lalawo avunulwa ngabadlali asezatholakala kuzozonke indawo.

Iqembu le Highlanders lilobelane isivumelwano esemvunulo eyokugqoka nxa iqembu lidlala lalapho lizilolonga labe On The Ball njalo isikhulumeli seqembu uRonald Moyo uthi isifiso sabalandeli esokuba labo bagqoke njengabadlali sesizafezeka.

“Ama replica asekhona sibili. Abasemhlubulweni we Mashonaland balakho ukuwathola esitolo se Betta Ball Sports kuthi koBulawayo okwakhathesi atholakala ehofisini yeHighlanders etholakala ku 50 Robert Mugabe Way kanye lo Fourth Avenue.

NgoLwesithathu sizatshela abantu ukuba yiziphi ezinye izitolo lapho abantu abangathola khona amakawuso okungasikho ehofisini yeqembu.

Okunye esizakwenza yikuba sizakupha amalunga ethu asezabelweni ezitshiyeneyo kanye laphandle kwelizwe ukuba basithengisele impahla leyi siphinde njalo sibe lesitolo esebulenjini,” kutsho uMoyo.

Abalandeli beqembu le Highlanders balesikhathi eside bekhalela amakawuso afana lalawo asetshenziswa liqembu kodwa bengawatholi ikanti ukuthengisela abalandeli amakawuso yindlela eyokwenza imali emazweni aphetsheya.

Abalandeli bamaqembu akuleli bacina begqoka amakawuso awamaqembu aphandle kwelizwe umzekeliso ungowobalandeli beqembu le Highlanders abavame ukugqoka amakawuso amaqembu afana le Orlando Pirates, Newcastle kanye le Juventus.

Ingqobe isisalele kubalandeli beqembu le Highlanders kanye labeqembu le Dynamos lalo elilobelane isivumelwano esifanayo labe On The Ball ukuba bathenge impahla ezalethela amaqembu womabili imali.

Kolunye udaba olumayelana lomdlalo wenguqu sekusaziwa ukuba amaqembu aphumelele kumidlalo yezibaya kumncintiswano we EUFA Champions league azadlala njani kusigaba esilandelayo.

Iqembu le Borrusia M’gladbach lizadlala lele Manchester City, ele Lazio lizadlala lele Bayern Munich, iAtletico Madrid izadibana le Chelsea, iRB Leipzig izadibana le Liverpool, iqembu le Porto lizadlala lele Juventus, iBarcelona izangqikilana le Paris Saint Germain, iSevilla izadlala le Borrusia Dortmund kuthi iqembu le Atalanta lizadibana lele Real Madrid.

Ezemidlalo siziphiwa nguJoseph Njanji
please wait

No media source currently available

0:00 0:02:02 0:00

XS
SM
MD
LG