amalinks wokungena

Breaking News

Asezaqala Ukuhamba Amabhasi Phakathi kweZimbabwe leBotswana.


Umpathintambo wezokuthwalwa kwabantu lemphahla kweleBotswana, uMnu. Thulaganyo Segokgo

EleBotswana lithi lizavumela ukusungulwa kohambo lwezimota ezithwala uzulu zisiya kumbe zivela eZimbabwe, South Africa kanye leZambia. Ukuhamba kwamabhasi kanye lezinye izimota ezithwala uzulu kukhangelelwe ukuqala ngoLwesibili lweviki ezayo.

Umphathintambo obona ngezokuthwalwa kwabantu lemphahla kweleBotswana, umnunzana Thulaganyo Segokgo uthi ngokuvulwa kwemngcele ngeviki ezayo, amabhasi lezinye imota ezithwala uzulu lazo zizavunyelwa ukuhamba.

Uthi amabhasi asuka eFrancistown esiya koBulawayo leHarare asezaqala ukuhamba, kugoqela lamanye ahambela emazweni afana leSouth Africa kanye leZambia.

“Uhulumende usethethe inyathela lokuvemala ukuhamba kwezimota ezithwala uzulu zichapha umngcele. Lokhu kuzasungula mhlaka 1 kuMpalakazi. Kuzavunyelwa lamabhasi asuka eFrancistown esiya koBulawayo lasuka eFrancistown esiya eHarare.

Ukusungulwa kokuhamba kwamabhasi kuza ngesikhathi eleBotswana libona inani labantu abatholakala belegciwane lecorona, liqonga.

Kodwa uSegokgo uthi izihambi kuzamela zilandele imithetho ekhona eyokulwisana lokumemetheka kweCOVID-19.

“Ngifisa ukugcizelela ukuthi kuzalandelwa yonke imithetho eyafakwa ukwenqabela ukumemetheka komkhuhlane weCOVID-19.”

Ukusungulwa kokuhamba kwezimota ezithwala uzulu, zindaba ezimnandi kwabeZimbabwe abakade besevalweni ukuthi mhlawumbe abasoke baphumelele ukuya ekhaya ngesikhathi sekhefu leKhisimusi.

Umnunzana Rodwell Moyo ole bhizimusi yokuthengisa imphahla ezitshiyeneyo kweleBotswana, uthi kuyathokozisa ukuthi uzakwenelisa ukusungula ibhizimusi lakhe…

“Kuvalwa kwemngcele, besekusilimazile thina njengabantu abaphila ngokuthengisa imphahla phandle kwelizwe, ngoba impilo zethu kade ziseBotswana. Nxa kukade kuvaliwe bekusitsho ukuthi impilo zethu bezingasahambi kuhle. Abathengayo bakhalele kithi, ngakho siyathaba ngokusungulwa kwenhambo.”

Omunye njalo, umnunzanana Mthabisi Dube uthi noma nje umkhuhlane weCOVID-19 uqhubeka umemetheka, kulesidingo sokuthi abantu bavunyelwe ukwethekelela izihlobo labangane, sokuphose kufike umnyaka imngcele ivaliwe.

“Yindaba ezindle ukuthiama amabhasi asezaqala ukuhmaba endaweni ezifana phakathi kweBitswana leZimbabwe kanye le South Africa. Siyayibona indaba yecorona kodwa kuyafika isikhathi sokuthi kumele abantu bevunyelwe ukuthi bayefika ekhaya. Seside isikhathi.”

Ukuze umuntu ayenelisa ukusebenzisa imota ezithwala uzulu, kumele babe lesithupha esitshingesa ukuthi abalamkhuhlane weCOVID-19, njalo singabisidala okudlula amalanga amathathu.

Abamabhasi bazakhangelelwa ukuthi bahlanze imota zabo, ukuze bengafaki izihambi engozini yokubanjwa yiCOVID-19.

Udaba lokuqala ukuhamba kwamabhasi angena lokuphuma kweleBotswana siluphiwa nguMqondisi Dube
please wait

No media source currently available

0:00 0:02:56 0:00


Facebook Forum

XS
SM
MD
LG