amalinks wokungena

Breaking News

Asizange Sibamangalise Isinqumo seConcourt Abantu BakoBulawayo


UBulawayo wamukele impumela yomthethwandaba owe Constitutional Court ngemibono ehlukileyo, inengi lisithi umahluli omkhulu walelidale uJustice Luke Malaba ugcizelele kulokho obekuvele kwethulwe ngabekomishini ebona ngezokhetho eye ZEC, ukuthi uMongameli Emmseron Mnangagwa unqobile.

Isakhamuzi sakoBulawayo, uMnu. Mandla Tshuma uthi kumele abantu bemukele osokuphume edale.

"Idale leCon Court seliphawulile akukho esingakuguqula sesikhangelele ukuqhubeka sisebenza ukuze sivuse ilizwe".

UMnu. Farai Dickson yena usole ukwahlulela kwalelidale kanye lokusebenza kweZEC.

"Impumela yeCon Court angiyithabelanga kodwa ngisola umahluleli kunye leZEC njalo sesikhangelele ukuba kuminyaka ezayo kube lenguquko".

Osakhulayo wakoBulawayo uLungelo Ncube yena uthi akalansolo ngempumela yeCourt kodwa uhlukuluzwa yizijeziso zenotho ezizaqhubeka.

"Angilankinga ngempumela yedale sesikhangelele ukuba lowo onqobileyo ache isizwe kodwa ngikhathazwa yizijeziso zomnotho".

Ilunga leZANU-PF uNkosikazi Rosemary Chidovori ngomunye wabajabulela impumela yeCon Court.

"Ngempumela yeCon Court thina sasivele sinqobile into ekhona idale beselisiphuzele ukuthi sijabule noba uma umuntu enqotshiwe uyabe esala".

alunga ebandla elibusayo bahle baqala ukujabula koBulawayo ngemva kokwethulwa kwesinqumo sokunqoba kukaMongameli Emmerson Mnangawa umkhokheli weZANU-PF.

Amapholisa abezulazula ehlomile elezimota zamanzi alumayo zimile eBulawayo Large City Hall Carpark elinde ukuthi mhlawumbe kungaqhamuka udlakela, kuthi emigwaqweni emikhulu yakoBulawayo yonke engena edolobheni amapholisa ebevimbile ngenkonxa kodwa bengamisi izimota.

please wait

No media source currently available

0:00 0:04:28 0:00

XS
SM
MD
LG