amalinks wokungena

Breaking News

Asiboni Ukuthi Izijeziso Ezetheswa Amalunga eZanu PF Zisilimaza Njani Thina, Kutsho Abanye Emaphandleni


Gwanda

Izakhamizi zemaphandleni seziveze imbono etshiyeneyo ngezijeziso zenotho ezetheswa amalunga ebandla leZanu PF, ezinengi zisithi lezizijezizo kaziziphazamisi empilweni zazo.

Inengi lithi kalikholwa ukuthi izijeziso lezi yizo ezidala inhlupho ezibhekane lozulu; ngakho zithi uhulumende ukhuluma ize lapho esithi zibhidliza umnotho.

"I-Anti Sanctions Day leyi akusamelanga vele siyenze kumbe sitshengisele ngoba akuzange kwaba lempumela kusukela ngonyaka ophelileyo lapho iSadc eyangenela khona isithi incedisa iZimbabwe ngoba sekule New Dispensation,” kutsho isakhamuzi seNatisa eMatobo, uMnu Kudakwashe Zulu.

Amazwi akhe agcizelelwe yisakhamuzi seSun Yet Sen eMatobo njalo uMnu Graidom Phiri, yena othi uhulumende kumele azinuke amakhwapha ngodala lwezijeziso lezi hatshi ukudlalisa isikhathi etshengisela.

"Njengelizwe kumele siqale sizilungisise amaphutha ethu sibekwazi ukuhlonipha amalungelo oluntu, sibe le-free and fair election, siqede icorruption,” kutsho uMnu Phiri.

“As long as into lezi zingaqedwanga I think its a waste of time ukutshona sikhuluma ngeAnti-Sanctions Day. Ama-sanctions lawa siyazikhwezela thina."

Kodwa zikhona ezinye ezithi izijeziso lezi ziphazamisa uzulu jikelele njalo zibulala umnotho, yikho nje kumele zesulwe.

Kusenjalo, abazali sebekhuthaze uhulumende ukuthi athathe udaba lweholo lababalisi njengodaba olumqoka njalo oluphuthumayo ukuze babuyela ezikolo abantwana bafunde.

Loba nje izikolo zivulwe ekupheleni kwenyanga edluleyo akukafundwa ngoba ababalisi baphakathi kokukhalala umsebenzi bekhala ngeholo eliphansi.

"Yonke umuntu vela kutistha engaze ebengudokotela uvela kutitsha yindaba amatitsha lingawaqakathekisi qakathekisani amatitsha," kutsho isakhamuzi seSilalatshani, eInsiza, uNkosikazi Sikhangele Moyo.

Esethula umbiko wakhe weState of the Nation Address ngoLwesine, uMongameli Mnangagwa uthembise ababalisi lezinye izisebenzi zikahulumende ukuthi uhulumende uzakwenza konke okusemandleni akhe ukuze athuthukise impilo zabo.

please wait

No media source currently available

0:00 0:03:31 0:00

Facebook Forum

XS
SM
MD
LG