amalinks wokungena

Breaking News

Asimthatheli Ipulazi uSiphosami Malunga Ngoba Vele Ngelethu, Kutsho Uhulumende


UMnu. Siphosami Malunga

Uhulumende ubikwa esephikisile ukuthi uhluthunele isiphathamandla senhlanganiso elwela ilungelo loluntu eyeOsisa; uMnu. Siphosami Malunga labanye bakhe ipulazi, esithi livele lingelakhe uhulumende alithathela abalimi abamhlophe..

Ekhuluma lephephandaba leThe Herald ngoLwesibili, uMnu. Richard Moyo, oyisiphathamandla sikahulumende eMatabeleland North uthe mhlawumbe uMnu. Malunga labanye bakhe, ababalisa uMnu. Zephaniah Dlamini loMnu. Charles Moyo, bathenga okunye okusepulazini leli, hatshi umhlabathi ngoba indawo le ngekahulumende kusukela ngomnyaka ka 2004.

Amazwi la agcizelelwe nguMnu. Nick Mangwana, isiphathamandla sikahulumende esibona ngokwethulwa kwembiko, eloba enkundleni yebulenjini eyeTwitter.

Ephendula uMnu. Mangwana kunkundla efanayo, uMnu. Malunga uthe ngempela ipulazi ngelabo njalo balencwadi ezifakaza lokhu, kukanti bazaphikisa loludaba endaweni efaneleyo.

UMnu. Malunga, yindodana kamuyi uMnu. Sidney Malunga, owayelilunga ledale lephalamende njalo owalwa kumpi yenkululeko ekuviyo leZIPRA.

Facebook Forum

XS
SM
MD
LG