Atshayene Amalunga ePan African Parliament Lwachithwa Okwesithathu Ukhetho

Kuqhamuke udlakela edale lephalamende lamazwe eAfrica elePan African Parliament kweleSouth Africa ngoMvulo phezu kokhetho lokudinga umkhokheli walelidale.

Ukungavumelani phezu kwendlela lumkhokheli amele akhethwe ngayo kwenqabe lolukhetho, lona oludluliselwe phambili ngeviki edluleyo ngoba kulomunye owabanjwa iCovid-19.

Lubuye lwadluliselwa phambili njalo ngoLwesihlanu ngenxa yokungavumelani lapho umkhokheli weEFF uMnu Julius Malema ayethusela khona ukubulala umeli wephalamende yakweleMali.

Amalunga amazwe asezansi yeAfrica agoqela iZimbabwe athi afuna isikhundla lesi sotshintshwane kodwa abamazwe angentshonalanga kweAfrica, abayibo asebesiphethe lesisikhundla okwesikhathi eside abavumelani lalumbono.

Kuthe sokuzavotwa izolo amalunga ezansi yeAfrica, agoqela uNkosikazi Barbara Rwodzi athatha ama-ballot boxes esithi akulakhetho olwenziwayo nxa isikundla lesi singasoze sitshintshwane ngemihlubulo yeAfrica.

UMnu Fortune Charumbira nguye osaphethe isikundla lesi (acting president), njalo nguye oncintisa emele izansi yeAfrica.

Liphalamende izahlala njalo namuhla kodwa akwaziwa iyozala nkomoni.

Ohlaziya ezombusazwe uDr Brilliant Mhlanga utshele iStudio 7 ukuthi okwenzakeleyo lokhu kuveza sobala ukuthi akula kubambana phakathi kwamazwe eAfrica.

Embed share

Ingxoxo loMnu Mthulisi Hanana

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:12 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala