amalinks wokungena

Breaking News

Abalwa Impi Yenkululeko Batshela uNkosikazi Auxillia Mnangagwa Ukuthi Baphila Nzima


Abalwa impi yenkululeko abenze umhlangano loNkosikazi Auxillia Mnangagwa

Abesifazane abalwa impi yenkululeko, abahlangane ngoLwesine lomkamongameli uNkosikazi Auxillia Mnangagwa, bamtshele ukuthi imali abayithola ngenyanga eyepentsheni kayisancedi lutho ngoba isigugudeke kakhulu ngenxa yesimo esibi somnotho elizweni.

UNkosikazi Mnangagwa ubakhuthaze ukuthi basungule imisebenzi yezandla lamabizimusi amancane okungabalethela inzuzo.

“… Imisebenzi asila elizweni ngales’Isikhathi kodwa sesisenza ukuthi sibone ukuthi singaziphilisa njani. Imisebenzi eminengi sesisenza ukuthi sibone ukuthi esingakubamba siliqembu ukuthi siphile yikuphi esingakwenza sincedisana. Ngakho ngalokho mina ngifuna ukubona omama bengena ngamahlekana hlekana emisebenzi yezandla lifundisana lodwa, likhokhelwa yilabo abalolwazi.”

UNkosikazi Sizalobuhle Dube, omunye wabalwa impi yenkululeko, uthi abalalutho olungolwabo njalo abahlonitshwa endaweni ezinengi.

Omunye wakhe, uNkosikazi Sihle Zondo, ongumfelokazi, uthi bafisa ukuthola uncedo lwemali yokusungula imisebenzi yezandla.

UNkosikazi Nomathemba Tshabalala laye uthi lokhe belinde ukuthi amaphepha abo akhangelwe ukuze babonakale ukuthi babesempini ngempela bathole labo inhlawulo.

“Sicela kumama singabantwabakhe silokhe sasuka ekusebenzeni asikavethwa. Besicela ukuthi ukuthi umama angasikhuthazela ubaba basidingele abantu abasivetayo ukuze lathi sigcwaliseke ukuthi sibe ngama war colaboraters abonakalayo ngoba okwakhathesi singaka vethwa kunzima asilalutho. Babesitshele ukuthi bazabuya masinyane abazukuqeda amaviki amabili manje lakhathesi asikavethwa lokhe silindile siyacela kakhulu.”

UNkosikazi Mnangagwa uhle wathatha leli thuba lokukhuthaza amaqhawekazi la ukuthi aphatheke kuhlelo lokutshengisela ukusola izijeziso zenotho ezetheswa ilizwe oluzaqhutshwa mhlaka 25 kuyonale inyanga esithi yizo eziphazamisa intuthuko eZimbabwe.

Udaba Esilethulelwe NguBathabile Masuku
please wait

No media source currently available

0:00 0:03:20 0:00


Facebook Forum

XS
SM
MD
LG