amalinks wokungena

Breaking News

UNkosikazi Mnangagwa Unika Intandane Izibiliboco zeKhisimusi


UNkosikazi Auxillia Mnangagwa.

UNkosikazi Sikhanyisiwe Mpofu, ummeli weMatabeleland North edale lephalamende owangena ngezikhundla eziphiwa abesifazana, ukhaphe umkamongameli welizwe, uNkosikazi Auxillia Mnangagwa, ngoLwesine esethekelela eBinga.

Injongo yaloluhambo luka Nkosikazi Mnangagwa ibingeyokuyabona intandane ngesikhathi sekhefu leKhisimusi ukuze azibonele ngawakhe amehlo udubo olubhekane lazo, ukwenzela ukuthi abone ukuthi angaziphathisa ngayiphi indlela.

“Umama unike intandane lezi izipho zeKhisimusi ezigoqela ezimnandi, amathoyi wokudlalisa, amafutho awokugcoba, kanye lengubo.”

UNkosikazi Mpofu ubuye wathI sebaqalisa inhlelo ezitshiyeneyo ezokuphathisa abesifazana ezabelweni zeMatabeleland North ukuthi bazimele njalo bathole ukuziphilisa.

“Sincedisa omama kuma projects atshiyeneyo anjengawokufuya imbuzi, ukufuya inkukhu, njalo lokupheka ijamu besebenzisa amajodo abawalimayo.”

UNkosikazi Mpofu uphethe ngokuthi uhulememde laye usekhuthaza, omama njalo ebaphathisa ukuthi benze inhlelo zokukgcina inhlanzi, eMatabeleland North.

Kulabantu abathi uNkosikazi Mnangagwa ungumuntu othebekileyo njalo ohlonipha uzulu hatshi njengalokho olwakusenziwa nguNkosikazi Grace Mugabe, owayengumka lowo owayengumongameli, uMnu. Robert Mugabe.

UNkosikazi Mugabe wayefuna ukuba ngumsekeli kaMugabe uMnu. Emmerson Mnangagwa wasencediswa libutho ukuthi ahluthune intambo zombuso.

UNkosikazi Auxillia Mnangagwa Unika Abantwana Abaswelayo Impahla yeKhisimusi
please wait

No media source currently available

0:00 0:02:56 0:00

Facebook Forum

XS
SM
MD
LG