amalinks wokungena

Breaking News

Babe Litshumi Lanhlanu Abenelise Ukubhalisa Ukuncintisa Kukhetho Lokudinga uMongameli


Edale leNominations Court eHarare

Abaphumelele ukwenza lokho bagoqela inkokheli yomanyano we MDC Alliance umnumzana Nelson Chamisa, unkosikazi Joice Mujuru womanyano owe People’s Rainbow Coalition, unkosazana Thokozani Khuphe owelinye icele le MDC-T, umnumzana Noah Manyika we Build Zimbabwe, unkosikazi Violet Mariyacha owe United Democratic Movement, umfundisi Evaristo Chikanga we Rebuilding Zimbabwe Party labanye.

Oze emele uNkosazana Khuphe, ukuzatshiya amaphepha okubhalisa, edale unkosikazi Priscilla Misihayirambwi Mushonga nguye ongu Chief Elections Officer ebandleni leli.

Honorable Priscilla Misihairambwi Mushonga
Honorable Priscilla Misihairambwi Mushonga

U Misihayirambwi oze e High Court egqoke i “T “ shirt ebomvu ebilotshwe amagama abetshengisa ukuthi uyaziqhenya ngokuba ngowesifazane, ulandisa ngesenzo sakhe lesi.

Umnumzana Mapfumo Peter Gava webandla le United Democratic Front, oke wabuyiselwa amaphepha akhe kulokukade kusilela laye wanelisile ukungenisa amaphepha akhe.

Idale leNominations Court eHarare
Idale leNominations Court eHarare

Abafuna ukuncintisa kukhetho luka manisipala bona bebesisa amaphepha abo e sigodlweni sikamanisiphala e Harare City Council e Town House.

Omunye wabakhulumisane lalumsakazo ngemva kokuba aphumelele ukusa amaphepha akhe ngu nkosikazi Duduzile Nyirongo.

Omunye wamaCommissioners kukhomishini ebona ngezokhetho eye Zimbabwe Electoral Commission- ZEC, umnumzana Qhubani Moyo uthi ubuhamba kuhle umsebenzi .

Umculi olodumo njalo esaziwa langendaba zokubaza izithombe esebenzisa amatshe engusomabhizimusi umnumzana Taurai Bryan Muteki yena uthi uzoncintisa lolukhetho ezimele.

Kodwa umkhokheli welinye lamabandla aphikisayo le Zimbabwe Industrial Development Party umnumzana Daniel Chingoma akasanelisanga ukwethula amaphepha akhe ngezizatho zokuswela amagama anelayo abantu bezigabeni ukuba basayine njengabafakazi okudingwa ngumthetho ngumthetho olawula ezokhetho.

Abafuna ukuncintisa kukhetho lwamalunga edale lephalamende bebesiyakwethula ingwalo zabo edale likaMantshi lapho okutholakale abanengi abekade bebhalisa bezimele ngemva kokwehlukana kwemibono labamabandla abakade bekuwo.

please wait

No media source currently available

0:00 0:05:57 0:00

Facebook Forum

XS
SM
MD
LG