Ugatsha lwezempilakahle luthi kubhubhe abantu ababili ngomkhuhlane weCovid-19 eZimbabwe izolo njalo kwatholakala abalitshumi lasitshiyangalombili, 18, belomkhuhlane lo.
Asebebhubhile bonke selokhe lumkhuhlane ufike kuleli sebeyinkulungwane emalakhulu phose amahlanu, 1,487. Asebefunyenwe belawo sebezinkulungwane ezingamatshumi phose amane, 36,289.
Uhulumende uthi uhlelo lokuhlaba abezempilakahle labenza imisebenzi ebalulekileyo luya phambili lanxa nje bebikwa belokhe bebalutshwana abavuma ukuhlatshwa.
Owake waba ngumeli weBinga North edale lephalemende uMnu Prince Dubeko Sibanda uthi akukakhanyi ukuthi bayahlatshwa abantu esigabeni sakhe.
Kusenjalo, umkhuhlane weCoronavirus usubulele abantu abedlula inkulungwane ezilikhulu, 105,767 ezwekazi leAfrica njalo wahlasela abayizigidi phose ezine, 3,966,355.
Emhlabeni jikelele sokubhubhe abangu2,597,318 njalo kwatholakala abangu117 million belomkhuhlane lo, ngokutsho kweJohns Hopkins University.