amalinks wokungena

Breaking News

Babotshwa Ngobunengi abeZimbabwe Abafohla eBeitbridge Bengena kweleSouth Africa


FILE - A nurse working for the National Health Department escorts a traveler to get a COVID-19 test done before entering South Africa at the Beitbridge border post between South Africa and Zimbabwe, near Musina, South Africa, Jan. 8, 2021.

Kubotshwe abeZimbabwe abangamakhulu phose amabili, 179, abangene kweleSouth Africa ngokufohla emngceleni weBeitbridge ngeSonto.

Lokhu kwaziswe ngumphathintambo obona ngendaba zasekhaya kulelolizwe, uMnu Aaron Motsoaledi.

Kucatshangelwa ukuba abanye babantu laba besebebuyela emisebenzini ngemva kokwethekelela izihlobo labangane ekhaya ngekhefu lekhisimusi.

UMotsoaledi utshele intathelizindaba eseBeitbridge ukuthi bafake ama-road blocks amanengi emgwaqeni osuka khona eBeitbridge usiya eJohannesburg ukuze kubotshwe bonke abengena eSouth Africa bengela maphepha.

Wengeze wathi uhulumende walelolizwe kabuyeli muva kudaba lokuthi abeZimbabwe abaphansi kwamaZimbabwe Special Permits kumele badinage eminye imihlobo yama-permits kumbe babuyele kibo nxa kusehlula.

Isiphathamandla senhlanganiso yeZimbabwe Community in South Africa uMnu Bongani Mkhwananzi utshele iStudio 7 ukuthi kuvamile nje ngalesisikhathi minyaka yonke ukuthi bebotshwe abanengi abayabe bezama ukungena eSouth Africa ngaphandle komthetho.

please wait

No media source currently available

0:00 0:03:11 0:00

Facebook Forum

XS
SM
MD
LG