amalinks wokungena

Breaking News

Babuyelile Ezikolo Abafundi Ababalisi Besithi Abalamali Yokuya Emsebenzini


Des enfants zimbabwéens sont assis dans une salle de classe dans une école de Norton, à 55 km à l’ouest de Harare, le 28 janvier 2009
Des enfants zimbabwéens sont assis dans une salle de classe dans une école de Norton, à 55 km à l’ouest de Harare, le 28 janvier 2009

Bekuphithizela emadolobheni ngeSonto abafundi abaloba imihloliso lonyaka sebebuyela ezikolo phambilini kokuvulwa kwazo ngoMvulo.

Abanye bonke abafundi bazavula mhlaka 6 ngeviki ezayo.

Kodwa ababalisi abanengi bathi abasoze benelise ukuya emsebenzini ngoba bengelamali ngenxa yokuthi iholo labo liphansi.

Bathi uhulumende kumele ebuyisele iholo labo lapho elalikhona engakalehlisi kuUS$540.

Bathi njalo ukuvulwa kwezikolo kufaka abafundi kanye labo engozini yeCovid-19 ngoba uhulumende engathathanga wonke amanyathelo okuvikela lumkhuhlane ezikolo.

Inhlanganiso emela ababalisi bemaphandleni, iAmalgamated Rural Teachers Union of Zimbabwe, ithi ababalisi kanye lozulu kumele bagqoke ezibomvu kusasa ngendlela yokutshengisa uhulumende ukuthi umumo mubi kwezemfundo.

Isikhulumeli salinhlanganiso uMnu Thembakuye Moyo utshele iStudio 7 ukuthi ababalisi abanengi abasoze baye emsebenzini ngenxa yokuswela imali.

please wait

No media source currently available

0:00 0:01:52 0:00

Isikhulumeli sogatsha lwezemfundo uMnu Taungana Ndoro yena utshele lumsakazo ukuthi uhulumende ulungiselele ukuvulwa kwezikolo njalo uthethe wonke amanyathelo okuvikela ababalisi labafundi kumkhuhlane weCovid-19.

XS
SM
MD
LG