amalinks wokungena

Breaking News

Badidekile Abazali Abadinga Indawo ZikaGrade Zero loGrade One


Abantwana besikolo bezifundo zaphansi
Abantwana besikolo bezifundo zaphansi

Abazali abalabantwana abamele babhalise ukuqala izifundo zogwalo lukaGrade 1 labakusibanga sakuqala eseEarly Childhood Developemnt-ECD, baveza ukukhathazeka ngoba lokhu bengakabhalisi abantwana khona sekusele inyanga eyodwa ukuthi izikolo zivulwe okweterm yakuqala yomnyaka ozayo.

Abaphathisikolo babikwa bebatshela ukuthi basalinde iziqondiso ezivela kugatsha lwezemfundo ukuthi lolu hlelo luqutshwe njani. Izikolo zikhangelelwe ukuvulwa mhlaka 4 ngenyanga ezayo kaZibandlela.

Unkosikazi Sithokozile Nyathi wasemzini weNkulumane, ongumzali olomntwana ozaqala izifundo ngomnyaka ozayo uthi indlela okudingwa ngayo indayo ayiqedakali.

“Kulobunzima esihlangana labo ngoba khathesi ezikolo izinto zitshintshile, indlela okwakusenziwa ngayo phambilini khathesi kwehlukile kakhulu. Indlela okudingwa ngayo indayo ayiqedakali, izinto ezifunekayo ikakhulu labo abaqala i ECD A labo grade 1 zinengi kakhulu okokuthi ngeke sizihlanganise nge last minute.”

Lokhu kusekelwe ngomunye njalo umzali wakoBulawayo, umnumzana Thamsanqa Dube othi kuzaba lokuphithizela ngenyanga ezayo.

“Bathi sibhalise ngomnyaka ozayo kuqala mhlaka four izikolo zivulwa, okuyinto eluhlupho kakhulu ngoba awukwazi ukuthi umntanakho uyabe eyitholile indawo kumbe engayitholanga. Okungangokuthi kuyabe sekufanele siqalise ukulungiselela siding amaUniform siding lemali zokubhadala khonapho mhlaka four izikolo sezivuliwe. Kodwa ke labo bonabo abantwana abayabe besiyadinga indawo abango Grade One kubanzima ngoba ungahamba khonapho mhlaka four uyiswele indawo ngapha usuthenge amaUniform sokuyafanele uthenge amatsha kumbe untshintshise.”

Umnumzana Thembakuye Moyo umgcinisihlalo we Lupane kunhlanganiso yababalisi eye Amalgamated Rural Teachers Union uthi abantwana kabavuthwanga ukuba baqhubekele phambili besiya kwesinye isibanga.

“Uhulumende ukubeke mgceke wathi izikolo ziyavulwa ngo January, umtwana kumele aye phambili. Ngowami umbono lesasikubekile yikuthi uhulumende angajahi ukuvula izikolo abantwana bavele bengavuthwanga ukuthi kuthiwe sesiya ku grade 1 kule syllabus okumele ayiqede. If izikolo zona zikhangele zibona ukuthi abantwana abavuthwanga bayabe besiya ngaphi bengaphelelanga ezifundweni”

Umnumzana Tawungana Ndoro, isikhulumeli sogatsha lwezemfundo kuHulumende uthi izikolo zizavulwa njengalokhu okuhleliweyo.

“Ugatsha lwezemfundo eziphansi laphezulu luzavula izikolo ngomnyaka ozayo mhlaka 4 Zibandlela, njalo akulalutho oluguqukileyo nxa sikhangelane lesikuhlelileyo okomnyaka ozayo. Abafundi ababhala imihloliso bazaqhubeka bebhala ngoZibandlela langoNhlolanja, abanye abafundi beqhubekela phambili besiya esibangeni esilandelayo ngomyaka ozayo, ngaphandle kwabayaqala uForm one lo Form Five abazamelela impumela yemihloliso yabo. Izikolo zonke ziyalandela imithetho yonke eyabekwayo mayelana lokuvikela ukumemetheka kwegciwane leCOVID-19, njalo silesiqiniseko sokuthi igcikwane leli ngeke limemetheke ezikolweni zethu.”

Umphathintambo wogatsha lwezemfundo umnumzana Cain Mathema wenqabe ukuthatshwa ilizwi kodwa utshele IStudio 7 ecingweni ukuthi izikolo ziyavula njengalokhu okuhleliweyo akula lutho oluzaguquka kungakho kufanele abazali babhalise abafundi lonyaka abaqala ugwalo lokuqala lo ECD A njalo ugatsha lwakhe lulesiqiniseko sokuthi bazakwanelisa ukuthi bavikele ukumemetheka kwegcikwane le Covid -19 ezikolo.

Udaba lokubhalisa abantwana ugrade 1 siluphiwa nguBathabile Masuku
please wait

No media source currently available

0:00 0:04:31 0:00
XS
SM
MD
LG