amalinks wokungena

Breaking News

Badla Amalahle Abalandeli Bebandla leZanu PF Ngezijeziso Zenotho


UMongameli Emmerson Mnangagwa

Abalandeli bebandla leZanu PF bathi uMongameli Donald Trump wenze ubutshapha ngokungezelela isikhathi sezijeziso ezafakelwa uMnu. Robert Mugabe lanyanye bakhe.

Bathi sokulenguquqo kwele Zimbabwe lobanje uMongameli Trump esithi akukhanyi okwenziwa nguMongameli Emmerson Mnangagwa owathathela uMugabe intambo zombuso nyakenye.

UTrump wethule umbiko izolo oveza ukuthi izijeziso lezi zizaqhubeka kuze kuyefika umhlaka 6 Mbimbtitho ngomnyaka ozayo.

Izijeziso lezi zafakelwe uMugabe labanye bakhe abetheswa amacala okuthi babesephula ilungelo likazulu njalo babengaqhubi kahle ezokhetho.

UMnu. Believe Gaule, okubandla leZanu PF othe kuyamangalisa okwenziwe nguTrump.

Ingxoxo Esiyenze LoMnu. Believe Gaule
please wait

No media source currently available

0:00 0:03:05 0:00

Kodwa-ke uDokotela Nkululeko Sibanda, ingcwethi kwezombusazwe ekolitshini lemfundo ephezulu eyeHuddersfied University, uthi akumangalisi okwenziwe nguTrump.

Ingxoxo Esiyenze LoDokotela Nkululeko Sibanda
please wait

No media source currently available

0:00 0:03:55 0:00

UTrump welule ngomnyaka izijeziso zenotho ezafakelwa abaphathintambo bebandla leZanu PF abagoqela uMnangagwa, uMugabe labanye abalandeli bebandla leZanu PF.

Wenze lokhu embikweni awuthumezele idale leCongress ngoLwesihlanu esithi akukaguquki lutho eZimbabwe selokhe uMnangagwa wahluthunela uMugabe intambo zombuso encediswa libutho.

Embikweni wakhe, uTrump ulandise ngokwenzakala ngoLwezi ngomnyaka ophelileyo esithi uMugabe watshiya isikhundla sakhe esebona ukuthi ilanga selimtshonele.

Uthi ukuguquka kukahulumende kukhangelelwe ukuthi kuzakwenza uhulumende omutsha aphendle indlela yokwenza kube lenkululeko egcweleyo kwele Zimbabwe.

UTrump uthi lokhu kuzakwenza ukuthi uhulumende weMelika avuselele ubudlelwano lelizwe leZimbabwe.

Facebook Forum

XS
SM
MD
LG