amalinks wokungena

Breaking News

Badla Imbuya Ngoluthi Abanengi Ngenxa Yokudula Kwezinto Ezitolo


Abantu abanengi bakhala ngokuthi abasayenelisi intengo ezitolo.

Uzulu uthi uqhubeka esidla imbuya ngoluthi ngenxa yokudula kwezinto ezitolo. Uthi okwenza umumo ube mubi ngamandla ngumkhuhlane weCovid-19.

Intengo yezinto ezimqoka empilweni kazulu ezigoqela impuphu, amafutha okupheka, itshukela, i-flour lokunye iqhubeka iqansa kokuphela.

Lumsakazo ubhode kwezinye zezitolo eHarare lakoBulawayo wathola ukuba intengo isiqonge okuphindiweyo kanti labathengi bebalutshwana.

Ezitolo ezinengi i-2 liters yeMazoe Ibiza Z$335.99, i-50g yeWashing powder ibiza Z$159.39, ikhabitshi eyodwa yona ibiza Z$109.00 kuthi i10kg yempuphi yona ibiza Z$557.

I-2 liters yamafutha okupheka ibiza Z$439.99, i-500g yaMatemba yona ibiza Z$674.99 kuthi i-2kg yetshukela yona ibiza Z$246.99.

Isakhamuzi sakoBulawayo uNkosikazi Nomthandazo Maseko uthi zonke lezi zintengo ezingeneliswa yimuli yakhe.

“Bengithenga i-20kg yempuphu, khathesi sekusenela i-10kg. Amafutha sengehlisile, kade ngithenga i-2Litres sengithenga i-700ml,” kutsho uNkosikazi Maseko.

“Akusaqedi inyanga, njalo sekusiphatha kabuhlungu kakhulu ngoba inyanga ukuthi ize iphele, sesiyiqeda nzima. Ezinye izinto ebesizithenga ezinje-flour, o-rice, asisenelisi ukubathenga ngenxa tentengo.”

Abanengi bathi impuphu, eyiyo ebaluleke kakhulu empilweni kazulu weZimbabwe, abasayenelisi.
Abanengi bathi impuphu, eyiyo ebaluleke kakhulu empilweni kazulu weZimbabwe, abasayenelisi.

UMaseko ucele uhulumende ukuthi angenele kuloludaba.

“Siyacele sibili ukuthi ngabe kuyavuma, ama-basic commodities abe nganeno, kube ngcono,” kutsho uMaseko.

“Kukhangelelwe ukuthi uzulu vele uthola imali enganani emsebenzini, lalabo abazisebenzelayo bathola imali enganani, kwehliswe. Bebone ukuthi wonke umuntu uyakwanisa ukuwathenga ama-basic commodities.”

UMnu Victor Dube ohlala eBudiriro eHarare laye ukhale ngokuthi ukukhwela kwempahla ezitolo akuhambelani lemali eholwa ngabantu.

“Kade sikhuluma ngeCovid, abantu abakwanisi ukuthi benze izinto zabo. Abantu badilizelwa impilo zabo lakhonapho kumaOperation abo lawa,” uDube utshele iStudio 7.

Isepa yokuwatsha layo ayisathengeki.
Isepa yokuwatsha layo ayisathengeki.

Uqhubeke wathi: “Kanti bafuna abantu baphile njani, ngapha intengo ziyakhwela, kanti imali uzayithatha ngaphi. Sekusitsho phela izindlu zonke zizakuthi hayi, isinkwa asisadliwa, lokhu akusadliwa, bedleni abantu?”

Amazwi kaDube agcizelelwe nguMnu Effie Dlela Ncube ophatheke kumikhankaso yokulwela amalungelo abathengi kunhlanganiso yeNational Consumer Rights Association.

“Abantu bayahlupheka kakhulu ngokukhwela kwentengo yezinto, lokhu kuhlangana lamaCovid… Abantu bathwele nzima ngoba kukhwele yonke into abantu abayidinga ukuthi baphile ngosuku, ngosuku,” kutsho uNcube.

Asanelisanga ukukhuluma lomphathintambo obona ngokulungiswa kwempahla lokuthengiswa kwayo uNkosikazi Sekai Nzenza yena obekuthiwa usemhlanganweni wequla labaphathintambo.

please wait

No media source currently available

0:00 0:05:47 0:00

Facebook Forum

XS
SM
MD
LG