amalinks wokungena

Breaking News

Badlana Ingqondo eBhilithane NgeCabinet kaMnangagwa


Ezinye izizalwane zeZimbabwe ezihlala kwele Bhilithane zithi ziyamukela uhulumende obunjwe nguMongameli Emerson Mnangagwa ngoba ukhethe abantu abatsha ukuthi babe ngabaphathintambo benhlangothi zikahulumende ezitshiyeneyo.

Inengi lithi lijabuliswa yikuthi uMongameli Mnangagwa uthathele amatomu iziphathamandla ezehlulekayo. UNkosikazi Musa Madondo, olesifiso sokubuyela ekhaya, ngomunye walabo abathakazelela okwenziwe nguMnangagwa.

“Siyayamukela iCabinet entsha efakwe ngumongameli wethu. Kutshengisela ukuthi khona sokutshintsha eZimbabwe. Izinto ezinengi sezitshintsha eZimbabwe, and hopefully bazaqhubeka ngomsebenzi wabo omuhle abazaqalisa ukuwenza.”

UMnu. Mondli Mabaisa, umsekeli womanyano weMovement for Democratic Change Alliance, laye uthi uyamukela abantu abakhethiweyo.

“Ye imangalise abantu abanengi kade singakucabangeli. Ukhiphile abanye akade babakhona bengenzi umsebenzi kahle njalo ngibona engani ufake abantu abalolwazi kudepartment yakhona yonaleyo. Wenze kahle, ngakho sibafisela ukuthi basebenze, kubelobubelo ezweni lakithi.”

Kukhona njalo abangasuthisekiyo ngombuso kaMnangagwa. UMnu. Thamu Mpofu ngomunye wabo.

“UMnangagwa vele uyehluleka nga uyaziphumela nje atshiyele abafana abazenza into ezikhanyayo laphana. IGovernment le sikhathele ngayo thina. Abantu bafuna ukuzenzela imali zabo without them being involved uyabo. Khathesi bayasilethela abantu babo abazafuna ukuthi labo banothe, baqale badle, thina lokhu sikhamisile lokhu sifisa ukuthi nga izinto ziyaphumelela.”

UNkosazana Sizalobuhle Nyathi uthi ujabuliswa yikukhwethwa komphathintambo wezemidlalo uKirsty Coventry.

“Ngithi mina ngingathi ukufaka uKirsty Coventry yinto enhle. Ngumuntu okhona kwezemidlalo, ngumuntu okwaziyo izinto ezidingakalayo kusport obaziyo ubunzima bokuba kusport, umuntu obaziyo ubuhle besport. So, uzananzelela laye izidingeko zabantu besport.”

Abangakhethwanga kudale leCabinet abahlala kakhulu kudale leli bagoqela uMnu. Simon Khaya Moyo, uMnu. Obert Mpofu, uMnu. Patrick Chinamasa loDokotela David Parirenyatwa.

Udaba Esilethulelwe NguEzra Tshisa Sibanda
please wait

No media source currently available

0:00 0:02:25 0:00

Facebook Forum

XS
SM
MD
LG